თორნიკე შენგელიას ცსკა-მ ერთიანი VTB ლიგის ნახევარფინალური სერიის მესამე მატჩში მოსკოვში "ზენიტი" 96:82 დაამარცხა.
სტუმრებმა მასპინძლებს სამი მეოთხედის განმავლობაში არაფერი დაუთმეს, მაგრამ ბოლო პერიოდში დედაქალაქელებმა დაჯაბნეს და დამაჯერებელი გამარჯვება მოიპოვეს.
შენგელიამ თამაში ტრადიციულად სასტარტო ხუთეულიდან დაიწყო და 24:14 წუთში 9 ქულა (9-დან 4 ორქულიანი, 1-დან 0 სამქულიანი, 2-დან 1 საჯარიმო), 5 მოხსნა და 1 ჩაჭრა მიითვალა, ერთხელ დაკარგა ბურთი, 3 პერსონალური მიიღო, მისი მარგი ქმედების კოეფიციენტი კი 9-ს გაუტოლდა.
მატჩის ყველაზე შედეგიანი მოთამაშე 24 ქულით თორნიკეს ამერიკელი თანაგუნდელი უილ კლაიბერნი იყო.
ცსკა
სერიაში 2:1 დაწინაურდა, ამ გუნდების შემდეგი მატჩი 24 მაისს მოსკოვში გაიმართება და მოგების შემთხვევაში, ცსკა ფინალში გავა.
შენგელიას საუკეთესო მატჩი და ურთულესი სამქულიანი [VIDEO]
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
