გიორგი შერმადინის “ტენერიფეს” ფიბა-ს ჩემპიონთა ლიგის მეორე ჯგუფურ ეტაპზე გასვლა გადაედო. ესპანურმა კლუბმა პირველ ჯგუფურ ეტაპზე ჯგუფში მე-2 ადგილი დაიკავა და მომდევნო ეტაპზე გასასვლელად საკვალიფიკაციო რაუნდის დაძლევა მართებს. მეტოქე თურქული “კარშიაკაა” და სერია 2 მოგებამდეა. ტენერიფელებმა პირველი მატჩი 1 კვირის წინ ესპანეთში მოიგეს, სამშაბათს კი თურქეთში დამარცხდნენ და გადამწყვეტი მატჩი კვლავ კანარის კუნძულ ტენერიფეზე გაიმართება.
შეხვედრის საწყის სამ პერიოდში უპირატესობას ესპანელები ფლობდნენ, თუმცა ადგილობრივი გულშემატკივრებით გაგულისებულმა და ამერიკელი კალათბურთელებით გავსებულმა „კარშიაკამ“ ბოლო პერიოდში მაღალი შედეგიანობა უჩვენა და ათწუთეული 25:15 მოიგო. შესაბამისად, საბოლოო გამარჯვებაც მასპინძლებს დარჩათ – 88:80.
გიორგი შერმადინმა შეხვედრა სასტარტო შემადგენლობაში დაიწყო. მიუხედავად იმისა, რომ მეტოქის დიდი ყურადღება მის განეიტრალებაზე იყო გადატანილი, გიომ ორმაგი დუბლის შესრულება მაინც მოახერხა: 31 წუთში 16 ქულა, 10 მოხსნა მოაგროვა, რასაც 2-2 პასი-დაფარება მიამატა. მარგი ქმედების კოეფიციენტით ის ორივე გუნდში საუკეთესო იყო – 25.
„კარშიაკას“ რიგებში შერმადინის ყოფილი თანაგუნდელი („კანტუდან“) ალექს ტიუსი გამოირჩა – 15 ქულა, 10 მოხსნა.
ამ გუნდებს შორის გამარჯვებული გამოვლინდება მესამე მატჩში, რომელიც ტენერიფეში 20 იანვარს გაიმართება.
GBF
შერმადინი ტურის MVP გახდა
შერმადინი დაბრუნდა და MVP-ის ტიტულიც არავის დაუთმო
მკითხველის კომენტარები / 1 /
მოწონებების მიხედვით
თარიღის მიხედვით
გაგულისებული გაბრაზებულს ნიშნავს. აჯობებდა შეგულიანებული რომ დაგეწერათ.
4
1
ყველა კომენტარი
გააკეთეთ კომენტარი
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
სიახლეები
პოპულარული
