ნაციონალურ საკალათბურთო ასოციაციაში საგამოფენო შეხვედრები გრძელდება.
დღეს, 14 ოქტომბერს, ქართველი კალათბურთელების გუნდებმა, "მილუოკი ბაქსმა" და "ინდიანა პეისერსმა", ითამაშეს.
"იუტა ჯაზმა" NBA-ს მოქმედ ჩემპიონს, "მილუოკს" უმასპინძლა და 124:120 დაამარცხა.
"ირმების" შემადგენლობაში სანდრო მამუკელაშვილი მოედანზე 17 წუთის განმავლობაში ვიხილეთ, რა დროშიც 2 ქულა, 7 მოხსნა და 1 დაფარება მიითვალა. აღსანიშნია, რომ "მამუს" თამაში არ წაუვიდა (1/8), თუმცა გუნდის მწვრთნელმა მაიკ ბუდენჰოლზერმა მაინც სოლიდური დროით დატვირთა.
"ბაქსის" შემადგენლობაში საუკეთესო კრის მიდლტონი გახლდათ, რომელმაც თავი 25 ქულით, 5 მოხსნით, 3 შედეგიანი გადაცემითა და 2 ჩაჭრით
გამოიჩინა.
მასპინძელთა რიგებიდან ჯორდან კლარკსონი გამოირჩა, რომელმაც გუნდს 18 ქულა, 8 მოხსნა, 2 შედეგიანი გადაცემა და 1 ჩაჭრა შესძინა.
"ირმებმა" საგამოფენო შეხვედრები მოგება-წაგების ბალანსით 1-2-ზე დაამთავრა, "მემფისთან" მატჩი კი მესამე მეოთხედის დასრულებისას ჩაიშალა (77:87).
2021/22 წლების სეზონის გახსნითი მატჩის ფუფუნება, რა თქმა უნდა, მოქმედ ჩემპიონებს ერგოთ, სადაც მათი მეტოქე "ბრუკლინ ნეტსი" იქნება. შეხვედრა 20 ოქტომბერს, თბილისის დროით 03:30 საათზე გაიმართება.
თავის მხრივ, "ჯაზმა" პრესეზონი 2 მოგებითა და ამდენივე მარცხით დაასრულა, ახალ სეზონს კი 21 ოქტომბერს, "ოკლაჰომა სითი თანდერის" წინააღმდეგ გახსნის.
რაც შეეხება "ინდიანას", "პეისერსმა" "მემფის გრიზლს" უმასპინძლა და 109:107 გაიმარჯვა.
მასპინძელთა შემადგენლობიდან გოგა ბითაძე მოედანზე 9 წუთის განმავლობაში ვიხილეთ, თუმცა მოულოდნელად ქართველმა ვერაფერი ღირებული ვერ შემოგვთავაზა (0 ქულა, მოხსნა, შედეგიანი გადაცემა, ჩაჭრა და დაფარება)... გოგამ თამაშიდან 3-ჯერ ესროლა (1 ორქულიანი, 2 სამქულიანი), თუმცა ვერც ერთი გამოიყენა.
"ინდიანას" რიგებიდან დომანტას საბონისი გამოირჩა. ლიეტუველმა ვარსკვლავმა გუნდს 24 ქულა, 13 მოხსნა, 4 შედეგიანი გადაცემა და 3 ჩაჭრა შესძინა.
"მემფისის" შემადგენლობიდან საუკეთესო სამ მერილი გახლდათ, რომელმაც თავი 30 ქულით, 1 მოხსნით, 2 შედეგიანი გადაცემით, ამდენივე ჩაჭრითა და 1 დაფარებით გამოიჩინა.
"ინდიანა" პრესეზონის მორიგ შეხვედრას 16 ოქტომბერს, "კლივლენდ კავალიერსის" წინააღმდეგ გამართავს, 2021/22 წლების სეზონს კი "შარლოტ ჰორნეტსთან" მატჩით გახსნის (21 ოქტომბერი, 03:00 საათი).
"გრიზლი" იმავე 16 ოქტომბერს "ჩიკაგო ბულსს" დაუპირისპრიდება, 21 ოქტომბერს კი "კლივლენდ კავალიერსს" შეხვდება.
"მამუს" ზრაპრული თამაში ვარსკვლავებით დახუნძლული "ბრუკლინის" წინააღმდეგ [VIDEO]
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![მამუკელაშვილის 16 წუთი და ვემბანიამას ფენომენალური მატჩი - "სან ანტონიო სპურსმა" "საკრამენტო კინგსი" დაამარცხა [VIDEO]](/pictures/image7/f23b6d776512204cee5bdf9332d1bc0b.png "მამუკელაშვილის 16 წუთი და ვემბანიამას ფენომენალური მატჩი - \"სან ანტონიო სპურსმა\" \"საკრამენტო კინგსი\" დაამარცხა [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
