ნაციონალურ საკალათბურთო ასოციაციაში "დეტროიტ პისტონსმა" "ლოს ანჯელეს ლეიკერსს" უმასპინძლა, მატჩი სტუმართა გამარჯვებით 121:116 დასრულდა.
კალიფორნიელების მხრიდან საუკეთესო ენტონი დევისი გახლდათ, რომელმაც 30 ქულა, 10 მოხსნა, 6 შედეგიანი გადაცემა, 4 ჩაჭრა და 5 დაფარება დააგროვა.
რასელ უესტბრუქმა თავი 26 ქულით, 9 მოხსნით, 10 შედეგიანი გადაცემითა და 2 ჩაჭრით გამოიჩინა.
რაც შეეხება "დეტროიტს", ჯერემი გრანტმა გუნდს 36 ქულა, 4 მოხსნა, 3 შედეგიანი გადაცემა და 1 ჩაჭრა შესძინა.
მე-3 მეოთხედის დაწყებიდან 3 წუთის თავზე მოედანზე სიტუაცია რადიკალურად აირია, ლებრონ ჯეიმსმა აიზია სტიუარტს იდაყვი პირდაპირ სახეში დაარტყა, რის გამოც "პისტონსის" კალათბურთელმა საკუთარ თავზე კონტროლი დაკარგა, რამდენიმე წუთის განმავლობაში მიდიოდა შეხლა/შემოხლა, სიტყვების გაცვლა, დეტროიტელს კი ვერავინ აკავებდა და ცდილობდა რამენაირად მიახლოვებოდა "მეფეს", რომელიც ამ ყველაფერს დაბნეული უყურებდა, მის გვერდით კარმელო ენტონი იდგა, რომელიც თითქოს და ყურადღებას ამ ყველაფერს სულაც არ აქცევდა, მათგან განსხვავებით ენტონი დევისის გაჩერება გაუჭირდათ, რომელსაც "ლეიკერსის" ერთ-ერთი წარმომადგენელი საერთოდაც ფეხზე ეჭიდებოდა...
თითქოს და სიტუაცია დავცხრა, სტიუარდი მოედანს ტოვებდა, რა დროსაც შემოტრიალდა და თავდადებით გაიქცა "ლეიკერსის" კალათბურთელებისკენ, კონკრეტულად კვლავაც ლებრონისკენ, გადათელა ნახევარი "სტაფი", თუმცა სტადიონი ისევ იძულებით დაატოვებინეს, მოედანიდან გააძევეს ჯეიმსიც.
როგორც მოგახსენეთ, შეხვედრაში კალიფორნიელებმა იმარჯვეს, 18 შეხვედრის თავზე "ყვითლებს" 9 მოგება და ამდენივე წაგება აქვთ, რითაც დასავლეთში მე-9 ადგილს იკავებებენ, მომდევნო შეხვედრას კი 24 ნოემბერს, "ნიუ იორკ ნიქსის" წინააღმდეგ გამართავენ.
"დეტროიტი" 4 გამარჯვებითა და 12 წაგებით აღმოსავლეთ კონფერენციაში ბოლოს წინა, მე-14 პოზიციაზე იმყოფება, შემდეგი ტურის მატჩს იმავე 24 ნოემბერს, "მაიამი ჰიტის" პირისპირ ჩაატარებს.
![ჯეიმსი VS დურანტი - "ლეიკერსის" 22 ქულიანი ქამბექი "ფინიქს სანზთან" [VIDEO]](/pictures/image7/0d53bce192b04544adafcc268e540733.jpg "ჯეიმსი VS დურანტი - \"ლეიკერსის\" 22 ქულიანი ქამბექი \"ფინიქს სანზთან\" [VIDEO]")
![სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]](/pictures/image7/3b32e5855dbd3381c476b25135f4b517.jpg "სუპერმატჩი და შეუჩერებელი ლებრონ ჯეიმსი - 39 წლის კალათბურთელმა Dream Team-ს გერმანიასთანაც მოაგებინა [VIDEO]")
![სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]](/pictures/image7/662dd6a8f0f3f449653149f257f9c9f0.jpg "სამხრეთ სუდანს სენსაციამდე რამდენიმე წამი დააკლდა - აშშ მარცხისგან ლებრონ ჯეიმსმა იხსნა [VIDEO]")
![პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]](/pictures/image7/ede934b62ef64a1f1a7cc4417a8da93b.png "პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]")
![დევისის დომინანტური მატჩი - "ლეიკერსმა" "მინესოტა" დაამარცხა [VIDEO]](/pictures/image7/b71b87cfff62c1f0ecde0d1d17aed525.jpg "დევისის დომინანტური მატჩი - \"ლეიკერსმა\" \"მინესოტა\" დაამარცხა [VIDEO]")
!["ლოს ანჯელეს ლეიკერსი" NBA-ის შიდასასეზონო ტურნირის გამარჯვებულია [VIDEO]](/pictures/image7/6b3f4a56600f512c52eea18ed142482d.jpg "\"ლოს ანჯელეს ლეიკერსი\" NBA-ის შიდასასეზონო ტურნირის გამარჯვებულია [VIDEO]")
