სუპერლიგის მე-6 ტურის მორიგი მატჩი ძალიან დაძაბული გამოდგა. თბილისის "დინამომ" 1 ქულის სხვაობით - 80:79 სძლია "ოლიმპს" და წარმატებული სერია 4 მატჩამდე გაზარდა. "ოლიმპმა" კი ზედიზედ მეორე მარცხი განიცადა და 3-3 მოგებ-წაგებით ცხრილის შუაში განთავსდა.შეხვედრა გარდამავალი უპირატესობით მიმდინარეობდა, თუმცა ისე, რომ ვერც ერთი გუნდი სოლიდურად დაწინაურებას ვერ ახერხებდა. მხოლოდ პირველ პერიოდში შეძლეს დინამოელებმა 9 ქულით გალიდერება, თუმცა სწრაფი შეტევებით "ოლიმპმა" მალევე მოახერხა ჩამორჩენის შემცირება და პირველი პერიოდის შემდეგ 19:25 აგებდა.
მეორე მეოთხედიდან გააქტიურდნენ ოლიმპელი ფორვარდები. განსაკუთრებით ნიკა დარბაიძე გამოირეჩიდა,
ბოლოსწინა შეტევაში დინამოელმა რეჯერ დოუელმა ორიდან 1 საჯარიმო ჩააგდო და "დინამო" 80:79 დააწინაურა. "ოლიმპს" თამაშეს გადასარჩენად 17 წამი ჰქონდა, თუმცა გადამწყვეტი სროლა გუნდის კაპიტან რევაზ როგავას აუცდა და დინამოელებმა ზედიზედ მე-4 გამარჯვება იზეიმეს. 22 ქულით "დინამოში" ბომბარდირი რეჯერ დოუელი გახდა. 20 ქულა მიითვალა მერაბ ბოქოლიშვილმა, დემაგოი ბუბალოს ანგარიშზე კი 19 ქულა და 9 მოხსნა დაგროვდა. ორმაგი დუბლით (10 ქულა, 13 მოხსნა) დაასრულა შეხვედრა ჯორდან სვოპშირმა. "ოლიმპში" 21 ქულით და 10 მოხსნით საუკეთესო იყო მარკ ოგდენი, რევაზ როგავამ 14 ქულა მოაგროვა, ხოლო ნიკა დარბაიძემ - 12.
![alt](/pictures/image50/c15b2ff18aa9e79ef706372826317d2e.jpg ""დინამომ" "ოლიმპს" ბოლო წუთზე 1 ქულით მოუგო")
"რუსთავმა" სუპერლიგაში პირველი გამარჯვება მოიპოვა
![alt](/pictures/image50/b183aa21eaec55fe838399f90a907280.jpg ""დინამომ" "ოლიმპს" ბოლო წუთზე 1 ქულით მოუგო")
"თსუ-ჰიუნდაიმ" სუპერლიგაში ზედიზედ მე-5 გამარჯვება "ბათუმთან" მოიპოვა
