ექვსი ერი მსოფლიო რაგბის მიერ შემოთავაზებული "მსოფლიო ლიგის" იდეის განხილვას დათანხმდა.
ქვეყნების სარაგბო კავშირებს კომერციულ დოკუმენტებზე წვდომა ექნებათ, რათა სიცოცხლისუნარიანი გეგმა შეადგინონ, რომელიც, ორგანიზატორების აზრით, 12 წელში 5 მილიარდი ფუნტის ღირებულების იქნება.
სამხრეთ ნახევარსფეროს მთავარი გაერთიანებები უკვე დათანხმდნენ ლიგის შექმნას, რომელიც 2022 წლიდან დაიწყება, ხოლო 6 ერის გადაწყვეტილება აღნიშნულ საკითხთან დაკავშირებით დუბლინში, მსოფლიო რაგბის საბჭოს შეხვედრაზე 22 მაისს გახდება ცნობილი.
საფრანგეთი მხარს უჭერს გეგმას, თუმცა ექვსი ერის დანარჩენი ხუთი ქვეყანა გარკვეულ პირობებს ითხოვს, სულ მცირე, იმას, რომ ექვს ერში დაქვვეითების
სისტემა არ იყოს.
"საბჭოს ჰქონდა შეხვედრა და განვიხილეთ სხვადასხვა შესაძლებლობა, რომელიც მომავალ სტრუქტურასა და ჩემპიონობის წესს შეეხება", - ნათქვამია ექვსი ერის ოთხშაბათის განცხადებაში.
"ჩვენ განვაგრძობთ იმ განცხადებისას დეტალურ განხილვას, რომელიც მსოფლიო რაგბიმ გამოაქვეყნა აღნიშნულ ჩემპიონატთან დაკავშირებით. აღნიშნულ საკითხზე კომენტარები ამ ეტაპისთვის აღარ გაკეთდება. ჩვენ განვაგრძობთ სხვადასხვა საკითხის განხილვას".
მსოფლიო ლიგა - დეტალური ინფორმაცია, რომელიც ქართული რაგბის ქომაგებს აინტერესებთ [ქართული გახმოვანებით]
ვინ დგას "მსოფლიოს ლიგის" უკან და როგორია საქართველოს რაგბის კავშირის ახალი იდეა ლიგასთან დაკავშირებით
"მსოფლიო ლიგა" - დეტალური ინფორმაცია, რომელიც ქართული რაგბის ქომაგებს აინტერესებთ [VIDEO ქართული გახმოვანებით]
Stuff.co.nz: ქართული რაგბის ბოსი "მსოფლიო რაგბის" ახალი ტურნირის ფორმატის გამო "ახურავს"
![მსოფლიო რაგბი: სოსო მათიაშვილმა ისტორიაში ერთ–ერთი საუკეთესო ლელო დადო [VIDEO]](/pictures/image7/723385fefbe64d766155ee472eadbb14.jpg "მსოფლიო რაგბი: სოსო მათიაშვილმა ისტორიაში ერთ–ერთი საუკეთესო ლელო დადო [VIDEO]")
ჩვენმა რაგბის კავშირმა იმას მაინც უნდა მიაღწიოს, რომ თავდაპირველი პროექტი გავიდეს (თუმცა არც ეგაა მთლად კარგი), რომლის ძალითაც გავარდნა-აღზევების სისტემა არ იმოქმედებს მხოლოდ მსოფლიოს თასისა და ბრიტანელი ლომების ტურნეების წლებში. ეგ თუ იქნა, 4 წელიწადში 1 შანსი მაინც გვექნება ბობოლებთან თამაშის, ხოლო თუ ეგეც არ იქნა, სირცხვილი მთელ სარაგბო სამყაროს! მაშინ მე პირადად პროტესტის ნიშნად, იმის მიუხედავად რომ ვარ რაგბის მხურვალე ქომაგი, აღარც რაგბზე ვარ წამსვლელი და აღარც ვუყურებ ამ ვაჟკაცურ თამაშს (რამდენადაც არ უნდა იყოს ეს ჩემთვის მტკივნეული)