დავით ქუბრიაშვილი: ბელგიაში მომხდარ ჩხუბს თბილისში გაგრძელება არ მოჰყვება

AutoSharing Option
საქართველოს მორაგბეთა ეროვნული ნაკრები შაბათს, 1-ელ თებერვალს ერთა თასის ახალ ციკლს იწყებს.

პირველ ტურში "ბორჯღალოსნები" "ავჭალის სარაგბო სტადიონზე" ბელგიის ნაკრებს უმასპინძლებენ.
მილტონ ჰეიგის გაწვრთნილმა გუნდმა ღია ვარჯიში გამართა, რომლის საწყისი 15 წუთი იყო გახსნილი ჟურნალისტებისა და ტელევიზიებისთვის ფოტო და ვიდეოგადაღებებისათვის.

საფრანგეთის ჩემპიონატის უკანასკნელ ტურებში მიღებული დაზიანებების გამო საქართველოს ნაკრებს 2 წამყვანი მორაგბე დააკლდა: შერკინების ბურჯი დავით ზირაქიშვილი ("კლერმონი") და მესამეხაზელი მამუკა გორგოძე ("მონპელიე").

ამჟამად ჰეიგის განკარგულებაში 29 მორაგბე გახლავთ, რომელთაც სრული დატვირთვით ივარჯიშეს:

პირველი ხაზი: დავით ქუბრიაშვილი, ზურაბ ჟვანია (ორივე
- სტად ფრანსე), მიხეილ ნარიაშვილი (მონპელიე), შალვა მამუკაშვილი (არმია), ჯაბა ბრეგვაძე (ტულუზი), ირაკლი მირცხულავა (ტარბი), ლევან ჩილაჩავა (ტულონი).
მეორე ხაზი: კონსტანტინე მიქაუტაძე (ტულონი), ლევან დათუნაშვილი (ორიაკი), შალვა სუთიაშვილი (მასი), გიორგი ნემსაძე (ტარბი).
მესამე ხაზი: გივი ბერიშვილი (ლოკომოტივი), გიორგი ჩხაიძე (ტარბი), ვიქტორ კოლელიშვილი (ლიონი), გიორგი თხილაიშვილი (არმია), დიმიტრი ბასილაია (ედინბურგი).
#9: გიორგი ბეგაძე (ყოჩები), ვაჟა ხუციშვილი (ხარები).
#10: ლაშა ხმალაძე (ლელო), მერაბ კვირიკაშვილი (ვიენი)
#12-13: მერაბ შარიქაძე (ბურგ ან ბრესი), თედო ზიბზიბაძე (პერიგო), დავით კაჭარავა (ენისეი)
#11-14: თამაზ მჭედლიძე (ბურგ ან ბრესი), ირაკლი მაჩხანელი (არმაზი), გიორგი შკინინი (არმია).
#15: ბექა წიკლაური (ლოკომოტივი), ლაშა მალაღურაძე (ბაგნერე)

გუნდთან ერთად იმყოფებოდა და წვრთნაში აქტიურად იღებდა მონაწილეობას "ბოლნისი ყოჩების" გარემარბი ლევან გოგოლაშვილი.

ღია ვარჯიში ზუსტად დილის 11 საათზე დაიწყო და 80 წუთს გასტანა. თავდაპირველი გახურების შემდეგ ახალზელანდიელმა მწვრთნელმა შერკინება და უკანა ხაზი განაცალკევა და სტატიკურ მდგომარეობებზე ავარჯიშა.

20 წუთში უკვე საკონტაქტო ბალიშების დახმარებით განაგრძო გუნდმა წვრთნა, ხოლო უკანასკნელი ნახევარი საათის განმავლობაში ჰეიგმა "ბორჯღალოსნები" ორ გუნდად გაყო და აქტიურად ავარჯიშა ჯერ შეტევაში თამაშზე, შემდეგ უკვე დაცვაში სწორად გარჯაზე.

"პირველი" გუნდის შერკინების პირველი ხაზი ნარიაშვილმა, ბრეგვაძემ და ქუბრიაშვილმა დააკომპლექტეს. მეორე ხაზში ირჯებოდნენ მიქაუტაძე და დათუნაშვილი. მამუკა გორგოძის არყოფნაში მღლეტავებად გიორგი თხილაიშვილი და გიორგი ჩხაიძე იყვნენ გამწესებულნი, ხოლო რვა ნომერზე - დიმიტრი ბასილაია.

ცხრა ნომერზე გიორგი ბეგაძე თამაშობდა, მგეზავად - ლაშა ხმალაძე, კიდეებზე ირაკლი მაჩხანელი და გიორგი შკინინი ირჯებოდნენ, შუამარბებად - შარიქაძე და კაჭარავა, ხოლო ფულბეკად - მერაბ კვირიკაშვილი.

ჯერჯერობით ადრეა ძირითად შემადგენლობაზე ლაპარაკი, თუმცა, სავარაუდოდ, "პირველ გუნდში" მოხვედრილ მოთამაშეთა უმეტესობა პირველი წუთებიდანვე შეუტევს ბელგიის ეროვნულ ნაკრებს.

დავით ქუბრიაშვილი: "ბელგიასთან წინა დაპირისპირება ძალიან კარგად მახსოვს. მატჩის სტარტზევე ჯგუფური ჩხუბი ატყდა და საბოლოოდ მე და ერთი მოწინააღმდეგე წითელი ბარათებით დაგვითხოვეს მოედნიდან. ჩვეულებრივი სათამაშო ეპიზოდი იყო და თბილისში ამ ფაქტს არანაირი გაგრძელება არ მოჰყვება.

მეტოქე სერიოზულია. ძალიან გაგვიჭირდა ბელგიასთან სტუმრად მოგება. თუ ჩვენ შევძელით სამოას დამარცხება, რატომ არ უნდა სცადოს იგივე ბელგიამ ჩვენთან მიმართებაში? სრული მობილიზებით ვემზადებით და, იმედია, კიდევ ერთხელ გავახარებთ გულშემატკივარს გამარჯვებით."


იხილეთ ფოტოგალერეა

Sportall.Ge

იხილეთ ბელგია-საქართველოს მატჩზე მომხდარი ჩხუბის ვიდეო
Sportall.Ge

ყოველდღიური სპორტული გაზეთი "ლელო"


ასევე იხილეთ:
"ბორჯღალოსნები" გაბრაზებულები არიან - ჭკუის სასწავლებელი გაკვეთილი "შავი ეშმაკებისგან"

მერაბ შარიქაძე: ახალი ციკლის დაწყება და პირველი შეხვედრის ჩატარება ყოველთვის გვიჭირს
გიორგი შკინინი: ბელგიასთან მატჩი საინტერესო გამოვა
მკითხველის კომენტარები / 6 /
წარმატებებს გისურვებთ, გაგვახარეთ თქვენი წარმატებებით :) დუდუ
თამთა
09:58 31-01-2014
0
მიდით თქვენ გენაცვალეთ,რაგბს არ უხდება ფეღბურთივით პროვოკაციებზე წამოგება რასაც უცხოელები აკეთებენ არაკაცურია მარა თუ რამე კაცობა პირველ რიგში და მერე სპორტი დალეწეთ ძვლებში
lomi
17:02 30-01-2014
0
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული