თბილისის ოლიმპიურ აუზში მიმდინარე ევროპის 17-წლამდელთა ევროპირველობაზე რუმინეთის დამარცხების (12:10) შემდეგ, საქართველოს ნაკრებმა პირველი მარცხი განიცადა.
ჩვენი გუნდი მონტენეგროსთან 5:9 დამარცხდა.
პირველი ორი პერიოდის მანძილზე ტოლ-სწორი თამაში მიმდინარეობდა, მერე კი უპირატესობას მეტოქე დაეუფლა და გამარჯვება მოიპოვა.
ხვალ, 13 აგვისტოს, საქართველოს ნაკრები საბერძნეთის ძლიერ გუნდს შეხვდება. მატჩი 19:00 საათზე დაიწყება.
ჯგუფებში პირველ და მეორე ადგილებზე გასულები 1/4-ფინალში გააგრძელებენ ასპარეზობას.
