ფორმულა 1-ის მე-17 ეტაპზე - იაპონიის გრან პრიზე გამარჯვება "მერსედესის" გერმანელმა პილოტმა ნიკო როსბერგმა იზეიმა, რომელმაც სტარტი პირველი პოზიციიდან აიღო. სუზუკას ავტოდრომზე ფინიშზე მეორე ჰოლანდიელი მაქს ფერსტაპენი ("რედ ბული") მივიდა, მესამე კი "მერსედესის" პილოტი, ბრიტანელი ლუის ჰემილტონი იყო.
ამრიგად, ნიკო როსბერგმა (313), რომელიც საერთო ჩათვლას ლიდერობს, მდევარ ჰემილტონთან (280) სხვაობა 33 ქულამდე გაზარდა. ფორმულა 1-ის მომდევნო ეტაპი - აშშ-ის გრან პრი 21-23 ოქტომბერს გაიმართება.
