მოტოგრანპრიში მსოფლიოს ჩემპიონატი "იამაჰას" ესპანელი მოტომრბოლის ხორხე ლორენსოს ტრიუმფით დასრულდა. მან გუშინ მოიგო ვალენსიას გრან-პრი და ბოლო მომენტში გამოსტაცა ტიტული თანაგუნდელს, იტალიელ ვალენტინო როსის.ეს უკანასკნელი, ეტაპის წინ ლიდერობდა გენერალურ კლასიფიკაციას და მეორე ადგილზე გასვლა სჭირდებოდა ტიტულის გასანაღდებლად.
თუმცა საქმეს ართულებდა ის, რომ როსი ბოლო პოზიციიდან იღებდა სტარტს ორი კვირის წინ, მალაიზიის გრან-პრიზე მომხდარი ინციდენტის გამო - მაშინ, იტალიელმა მარკ მარკესთან შეჯახებისთვის დისკვალიფიკაცია მიიღო.
საბოლოოდ, მსოფლიოს ცხრაგზის ჩემპიონმა ვერ შეძლო სასწაულის მოხდენა - მან მხოლოდ მეოთხე ადგილამდე მოახერხა გზის გაკვლევა.
28 წლის ლორენსო მესამედ გახდა მოტოგრანპრის კლასში მსოფლიოს ჩემპიონი.
ყოველდღიური სპორტული გაზეთი "ლელო"
