ბოლო წლებში ქართველი მოფარიკავეები საერთაშორისო სარბიელზე სულ უფრო მეტ წარმატებას აღწევენ. უფროსების კვალდაკვალ ყოჩაღობენ ახალგაზრდებიც. 28 ივნისს ტორინოში (იტალია) მოხმალავეთა საერთაშორისო ტურნირზე, რომელსაც მასპინძლებმა "მსოფლიოს ჩემპიონი" უწოდეს, შვიდი ქვეყნის წარმომადგენლებმა მოსინჯეს ძალები.
თავი გამოიჩინა ანა აფრასიძემ: ჯგუფში მან 6 ორთაბრძოლა მოიგო და ერთი წააგო, პლეი ოფში ბრაზილიელ და იტალიელ მეტოქეებს სძლია, ნახევარფინალი კი მასპინძელთან 14:15 დათმო და ბრინჯაოს მედალი დაიმსახურა.
ბიჭებში მეხუთე ადგილზე გავიდა ნიკა შენგელია: მის ანგარიშზეა შვიდი მოგება ორი მარცხის წილ. ოთარ გიორგაძე მე-16 ადგილით დაკმაყოფილდა.
ყოველდღიური სპორტული
