ლეგენდარულმა ფილიპინელმა მოკრივემ მენი პაკიაომ ნახევრადსაშუალო წონაში (66.68 კგ) საჩემპიონო ორთაბრძოლა წააგო ავსტრალიელ ჯეფ ჰორნთან. ამ დაპირისპირებაში თამაშდებოდა WBO-ის საჩემპიონო ქამარი, რომელიც პაკიაოს ეკუთვნოდა.ბრძოლა 12 რაუნდი გაგრძელდა და მსაჯებმა ერთსულოვანი გადაწყვეტილებით გამარჯვება ჰორნს მიანიჭეს - 117:111, 115:113, 115:113, რაც უდიდეს სენსაციად შეფასდა.
შეხვედრა ავსტრალიის ქალაქ ბრისბენში "სანკორპ სტედიუმზე" 55 ათასი მაყურებლის თანდასწრებით გაიმართა.
38 წლის პაკიაოსთვის ეს იყო მეშვიდე მარცხი კარიერაში (59 მოგებასთან და 2 ფრესთან ერთად). ჰორნს პროფესიულ რინგზე 17 მოგება, ერთი წაგება და ერთი ფრე აქვს.
ყოველდღიური
![ფლოიდ მეივეზერი დიდი ბრძოლისთვის ბრუნდება? - მოკრივემ ვარჯიშის კადრები გაავრცელა [VIDEO]](/pictures/image7/e47df8cb609b4902180e1934bee9d8d3.jpg "ფლოიდ მეივეზერი დიდი ბრძოლისთვის ბრუნდება? - მოკრივემ ვარჯიშის კადრები გაავრცელა [VIDEO]")
