წარსულში ცნობილი ველომრბოლელი, ამჟამად ველოსაჯინიბო "ასტანას" გენერალური მენეჯერი, ყაზახი ალექსანდრ ვინოკუროვი კვლავ იმკის რვა წლის წინანდელი საქციელის შედეგებს.საერთაშორისო ოლიმპიური კომიტეტის ჩინოვნიკებს არ მოეწონათ 41 წლის ვინოკუროვის ალმატის განაცხადის ხელმძღვანელად დანიშვნა 2022 წლის ოლიმპიური თამაშებისთვის ბრძოლაში. კომიტეტი აქტიურად იბრძვის დოპინგის წინააღმდეგ, ვინოკუროვმა კი 2007-09 წლებში დისკვალიფიკაცია მოიხადა აკრძალული პრეპარატების გამოყენების გამო.
შეგახსენებთ, რომ საერთაშორისო ოლიმპიურმა კომიტეტმა 2022 წლის ზამთრის თამაშების მასპინძლობაზე სამი ქალაქი გამოაცხადა პრეტენდენტად: ოსლო (ნორვეგია), პეკინი (ჩინეთი) და ალმატი (ყაზახეთი), თუმცა ნორვეგიელებმა მოგვიანებით გამოიტანეს თავიანთი განაცხადი. 2022 წლის
(იბეჭდება მცირე ცვლილებით)
ყოველდღიური სპორტული გაზეთი "ლელო"
