რიო დე ჟანეიროში მიმდინარე ზაფხულის XXXI ოლიმპიურ თამაშებზე, მშვილდოსანთა ინდივიდუალურ შეჯიბრებაში წარუმატებლად იასპარეზა ქრისტინე ესებუამ. თბილისის დროით 11 აგვისტოს ღამით გამართულ პლეი ოფის პირველ შეხვედრაში, ქართველი მშვილდოსანი ინდოელ დიპიკა კუმარისთან დამარცხდა - 4:6 (26:27, 29:29, 27:30, 29:27, 29:29).
შეგახსენებთ, რომ მანამდე, ასევე 1/32-ფინალში, ამავე ანგარიშით დამარცხდა იულია ლობჟანიძე, რომელსაც მეტოქედ მექსიკელი ალეხანდრა ვალენსია ჰყავდა.
