ხვალ, 19 აგვისტოს, რიო დე ჟანეიროს ზაფხულის XXXI ოლიმპიურ თამაშებში თავისუფალი სტილით მოჭიდავეებიც ჩაებმებიან, რომელშიც ჩვენი გუნდი სრული შემადგენლობით, 6 ფალავნით იასპარეზებს. თუმცა ხვალ შეჯიბრებები მხოლოდ ორ წონაში - 57 და 74 კილოგრამებში გაიმართება. ხვალვე იასპარეზებს ჩვენი გუნდის მთავარი იმედი, მსოფლიოსა და ევროპის ჩემპიონი, წინა ოლიმპიადის ფინალისტი ვლადიმერ ხინჩეგაშვილი (57).
მის გარდა, რევაზ მინდორაშვილის შეგირდებიდან მედლის მოპოვებას ევროპის წლევანდელი მესამეპრიზიორი იაკობ მაქარაშვილიც (74) შეეცდება.
20 აგვისტოს ოლიმპიური კვარცხლბეკის დაპყრობას 86 და 125 კილოგრამების ფალავნები, ანუ ჩვენგან ევროპისა და მსოფლიოს მესამეპრიზიორი
ოლიმპიადის ბოლო დღეს, 21 აგვისტოს ბრაზილიურ ხალიჩაზე ბოლო ორი წონის - 65 და 97-ის ფალავნებს ვიხილავთ. ამ წონებში საქართველოს სახელით, შესაბამისად, ზურაბ იაკობაშვილი და ელიზბარ ოდიკაძე იჭიდავებენ.
ჩვენთვის მედლების საერთო რაოდენობის გაზრდის კიდევ ერთი იმედი ახლა სწორედ თავისუფალი სტილით მოჭიდავეთა ნაკრებია. იმედია, ისინიც გაგვიმართლებენ ამ იმედს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]](/pictures/image7/750fd0b624893064c266d2944d2b72a1.png "ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]")
![პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]](/pictures/image7/1b995136bacc050a25c0b97d314a7fc1.jpg "პეტრიაშვილი ოლიმპიადის 1/2-ფინალშია! მეტოქე ქართველი იქნება [VIDEO]")
დღევანდელის დღის ფერისცვალების მადლი გფარავდეთ, შეგეწიოთ და გაგამარჯვებინოთ!