„ვინტომ“ ზუგდიდში „ვისოლის“ ავტოგასამართ სადგურზე ავტომომსახურების ცენტრი გახსნა

„ვინტომ“ ზუგდიდში, „ვისოლის“ ავტოგასამართ სადგურზე, დ. აღმაშენებლის #89-ში, ავტომომსახურების ცენტრი გახსნა. კომპანია ქსელის რეგიონალურ განვითარებას განაგრძობს და წლის ბოლომდე ახალ ობიექტს ბათუმშიც გახსნის. „ვინტო“ „ვისოლ ჯგუფის“ შვილობილი კომპანიაა, რომელიც ავტომომსახურების ბაზარზე 13-წლიანი მოღვაწეობის შემდგომ ოპერირებას განახლებული ბრენდით განაგრძობს და 15 მომსახურების ცენტრის საშუალებით, განახლებული ბრენდის ღირებულებებითა და განვითარების თანამედროვე ხედვით, ავტომომსახურების სრულიად ახალ გამოცდილებას ჰპირდება მომხმარებელს.

„მოხარული ვართ, რომ „ვინტოს“ პროდუქტების ფართო არჩევანი და დემოკრატიული ფასები ახლა უკვე ზუგდიდშიც იქნება ხელმისაწვდომი და „ვისოლთან“ ერთად მომსახურების ახალ გამოცდილებას შევთავაზებთ მომხმარებლებს. ახალგახსნილ ობიექტზე მოსულ მომხმარებელს 30%-იანი ფასდაკლებაც ელის პროდუქტებსა და მომსახურებებზე“, - აცხადებს „ვინტოს“ აღმასრულებელი დირექტორი ნიკა ხოდელი.



„ვინტო“ 20-ზე მეტი საერთშორისო ბრენდის პროდუქტებს წარმოადგენს საქართველოში, როგორებიცაა ფრანგული „ტოტალის“ საავტომობილო ზეთები, ფინური „ნოკიანის“ საბურავები, იტალიური „პირელის“ საბურავები, პოლონური „ორლენის“ საავტომობილო ზეთები, ბულგარული „მონბატის“ აკუმულატორები და ა.შ. შესაბამისად, მომხმარებელი საავტომობილო ზეთებს, უმაღლესი ხარისხის საბურავებს, აკუმულატორებს, ხუნდებს, ფილტრებს და სხვა საავტომობილო აქსესუარებს ნებისმიერ საფასო კატეგორიაში შეარჩევს, რაც „ვინტოს“ მნიშვნელოვანი კორპორაციული უპირატესობაა ბაზარზე.

„ვინტო“ „ვისოლ ჯგუფის“ ლოიალობის სისტემაშიცაა ჩართული და ერთგულ მომხმარებლებს საწვავზე -15, -20, -25-თეთრიანი ფასდაკლების მიღების შესაძლებლობასთან ერთად, „ვინტოში“ ბონუს ქულების დაგროვების, ქულებით „ვინტოს“ პროდუქტების შეძენის და პროდუქტებსა თუ მომსახურებაზე -10%, -12%, -15% ფასდაკლებით სარგებლობის საშუალებასაც აძლევს.

პროფესიონალი პერსონალი, სწრაფი სერვისი, რომელიც არ საჭიროებს 30 წუთზე მეტ დროს, მომხმარებლისთვის კომფორტული მოსასვენებელი/მოსაცდელი სივრცე ყველა ფილიალში, მოქნილი სამუშაო განრიგი, პროდუქტების ფართო არჩევანი და ავტომომსახურების 13-წლიანი გამოცდილება “ვინტოსთვის“ ამბიციური განვითარების მყარ საფუძველს წარმოადგენს. „ვისოლის“ მომსახურების ცენტრებში „ვინტოს“ არსებობა კი სინერგიას ქმნის და მომხმარებელს ერთ სივრცეში მრავალფეროვანი მომსახურების მიღების შესაძლებლობას აძლევს.
დამატებითი ინფორმაციისთვის მოგვმართეთ:

რუსუდან კბილაშვილი
საზოგადოებასთან ურთიერთობისა და კორპორაციული სოციალური პასუხისმგებლობის სამსახურის ხელმძღვანელი
"ვისოლ ჯგუფი"
ტელ: (995 32) 915 315/250 / მობ: (995 99) 320412/Email: pr@wissol.ge