პარიზის გრან სლემი: საქართველოს ნაკრები დებიუტანტებითა და შეცვლილი წონებით

AutoSharing Option
საქართველოს ვაჟ ძიუდოისტთა ნაკრები უკვე გაფრინდა პარიზში, სადაც 11-12 თებერვალს სეზონის რიგით პირველი "დიდი მუზარადის" ტურნირში იჭიდავებს.

ნაკრების მთავარმა მწვრთნელმა ირაკლი ცირეკიძემ იქ ძირითადი შემადგენლობა წაიყვანა: საქართველოს ჩემპიონები და ის ტიტულოვანი ფალავნები, რომლებმაც ქვეყნის პირველობა გამოტოვეს.

ბოლო წლების საერთაშორისო ასპარეზის მედალოსანთაგან მხოლოდ ორი გამონაკლისია: ევროპის ორგზის ფინალისტი და ახალ წონაში - 81-ში გადასული ნუგზარ ტატალაშვილი, ვინც ჯერ ისევ მკურნალობს ნატკენ ფეხს, და მძიმეწონოსანი ევროპის ჩემპიონი, მსოფლიოს პრიზიორი ადამ ოქრუაშვილი, ვისაც პირადი პრობლემების გამო გარკვეული სავარჯიშო პერიოდი გაუცდა.

ამ ტურნირზე ახალ
წონაში საერთაშორისო არენაზე დებიუტი ექნება ევროპის სამგზის და მსოფლიოს ჩემპიონ ავთანდილ ჭრიკიშვილს, რომელიც 90 კილოგრამში იჭიდავებს და ბექა ღვინიაშვილს გაუწევს კონკურენციას.

ახალ წონაში გამოვა ევროპის კიდევ ერთი რამდენიმეგზის გამარჯვებული, მსოფლიოსა და ოლიმპიადის ფინალისტი ვალერი ლიპარტელიანი, ვისთვისაც 100 კილოგრამი უცხო არაა, მაგრამ წონის ოფიციალურად შეცვლის შემდეგ პირველად იასპარეზებს ახალ წონაში.

ნაკრებს დებიუტანტებიც ჰყავს - საქართველოს ჩემპიონი 73 კილოგრამში ფრიდონ გიგანი და 81-ში გამარჯვებული თამაზ კირაკოზაშვილი, თუმცა დიდი გამოცდილებით ვერც ლაშა ტაველური დაიკვეხნის.

დანარჩენი ფალავნებიდან ტრავმებით გამოწვეული ხანგრძლივი პაუზის შემდეგ დაბრუნებულ ზებედა რეხვიაშვილს (81) და გურამ თუშიშვილს (+100) გამოვარჩევთ.

ცირეკიძე კუთვნილ ორკაციან კვოტას ყველა წონაში იყენებს, 66-ის გარდა, სადაც მხოლოდ ევროპის ჩემპიონი ვაჟა მარგველაშვილი იჭიდავებს.

პარიზში მონაწილე ისევ არ გვეყოლება ქალებში, რადგან თბილისიდან ხომ არავინ მიდის, არც ევროპის ვიცე-ჩემპიონი ესტერ სტამი ჩავა ჰოლანდიიდან.

პირველ დღეს, ანუ 11 თებერვალს, ტრადიციულად, 60, 66 და 73 კილოგრამების ფალავნები იასპარეზებენ, დანარჩენები კი კვირას გავლენ ტატამზე.

ჩვენი ნაკრები პარიზში ტურნირის დასრულების შემდეგაც დარჩება ერთობლივ ვარჯიშებზე, რომელიც ტრადიციულად იმართება ხოლმე ამ რანგის შეჯიბრებათა დასრულების შემდეგ. იქიდან გუნდი გერმანიაში გადაინაცვლებს, სადაც 24-26 თებერვალს დიუსელდორფში გამოვა "დიდ მუზარადზე". თუმცა ჩვენები იმ შეჯიბრების დაწყებამდეც გაივლიან ერთკვირიან შეკრებას და ტურნირის მერეც დარჩებიან ერთობლივ ვარჯიშებზე.

პარიზის ტურნირი, როგორც სეზონის პირველი სტარტი, ძალიან მნიშვნელოვანია ჩვენი ნაკრებისთვის.

საქართველოს ნაკრები
60 კგ. ამირან პაპინაშვილი, ლუხუმ ჩხვიმიანი
66 კგ. ვაჟა მარგველაშვილი
73 კგ. ლაშა შავდათუაშვილი, ფრიდონ გიგანი
81 კგ. თამაზ კირაკოზაშვილი, ზებედა რეხვიაშვილი
90 კგ. ბექა ღვინიაშვილი, ავთანდილ ჭრიკიშვილი
100 კგ. ვალერი ლიპარტელიანი, ლაშა ტაველური
+100 კგ. გურამ თუშიშვილი, ლევან მატიაშვილი.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 15 /
მართლა რას ერჩიან ბექას და აწვალებენ მესამე წელია?! ამ უაზრო სიტუაციით სხვამ არ ისარგებლოს და და არ ჩააქნევინონ ხელი ჩვენს ნაკრებზე ამ ბიჭს! თუ ეგრე მოხდა მერე პატრიოტიზმზე არ დაუწყოთ ბექას არავინ ყვედრება! მთელი შარშანდელი სეზონი მართლა წელში გაწყვიტეს ბექა, ასე არსად აწვალებენ გამორცეულ ტალანტებს. ავთოს მაგარი გულშემატკივარი ვიყავი მაგრამ ეხლა ბექას ვუქომაგებ, იმიტომ რომ ყველანაირად მართალია ეს ბიჭი ქართულ ძიუდოში ყველას მიმართ!
paata
10 თებერვალი 2017 15:51
0
100%-იან ხარ.
Nika-s
10 თებერვალი 2017 15:26
0
არ ჭირდება ამას დიდი ძიუდოს ცოდნა რომ მიხვდე რომ ჭრიკიშვილის 90ში გადასვლა არ არი სწორი. ყველაფერს რო თავი დავანებოთ ნაკრრბშიც ვერ იქნება პირველი ნომერი, ღვინიაშვილი ბევრად ძლიერია და ამას პარიზის მუზარადიც გამოაჩენს კარგად. უნდა დარჩენილიყო 81 ში და 3 წონაში (81, 90,100) უძლიერესი პირველი ნომრები გვეყოლებოდა! ახლა რა მივიღეთ, დასუსტებული 81 კილო და.მეტი არაფერი
Nika
10 თებერვალი 2017 14:29
0
მთლიანად ვეთანხმები მურტალოს კომენტარს,ჭრიკიშვილს წონის პრობლემა მართლაც არ ქონია მე მგონი,ღვინიაშვილს რას ერჩიან,ჯერ იყო და ოლიმპიადა მასზე 10 კილოთი ზედმეტებთან აჭიდავეს,ეხლა კიდე ჭრიკიშვილი ჩაუსვეს წონაში,რაღაც ისე არ არის
ზაზა გიორგაძე
10 თებერვალი 2017 14:29
0
ლიპარტელიანი რომ წონას იცვლის კარგია, მაგრამ ღვინიაშვილს რას ერჩიან ვერ გავიგე, ეხლა ჭრიკიშვილი რომ ჩაუსვეს წონაში. ჭრიკიშვილს მგონი წონის პრობლემა არასდროს ჰქონია.
murtalo
10 თებერვალი 2017 14:00
0
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული