ფოტო: facebook.com/georgianfencing
ბუდაპეშტში დღეს, 15 ივლისს დაიწყო მსოფლიო ჩემპიონატი ფარიკაობაში. ქართველმა ვაჟმა მოფარიკავეებმა ხმლით ფარიკაობაში ჯგუფური ეტაპი დაძლიეს.
მიხეილ მარდალეიშვილმა საკუთარ ჯგუფში საუკეთესო შედეგი აჩვენა. ბექა ბაზაძე მეორე იყო, ხოლო ნიკა შენგელიამ ჯგუფიდან გასვლა მე-4 ადგილიდან მოახერხა.
ბაზაძე და მარდალეიშვილი პირდაპირ 1/32-ფინალში მოხვდნენ. მიხეილის მეტოქე მოჰაბ სამერი (ეგვიპტე) იქნება, ხოლო ბექასი - კანადელი ფარეშ არფა.
ხოლო შენგელია თავიდან 1/64-ფინალში მოხვდა. თუმცა ნიკამ უკვე მოახერხა ვენესუელელი ელიესერ რომეროს დამარცხება და ისიც 1/32-ფინალში თურქ ენვერ ილდირიმის წინააღმდეგ იფარიკავებს.
მსოფლიო ჩემპიონატზე საუთარი შეხვედრები ჩაატარა ქართველმა ქალმა მოფარიკავემ, მაია გუჩმაზოვამ. მაიამ ჯგუფში მე-5 ადგილი დაიკავა, 1/64-ფინალში იფარიკავა და რუმინელ ბიანკა ბენეასთან დამარცხდა.
მსოფლიოს ჩემპიონატი ფარიკაობაში: საქართველო მაია გუჩმაზოვათი დაიწყებს
![მოფარიკავე მაია გუჩმაზოვა ტაშკენტის მსოფლიო თასის ჩემპიონი გახდა [VIDEO]](/pictures/image7/03af7c43f3eeb3be71ca8b4e5ffedc36.jpg "მოფარიკავე მაია გუჩმაზოვა ტაშკენტის მსოფლიო თასის ჩემპიონი გახდა [VIDEO]")
