მოსკოვის "სპარტაკი" "კრილია სოვეტოვში" იჯარით გაშვებული 26 წლის ნახევარმცველის, ჯანო ანანიძის უკან დაბრუნებას არ აპირებს.
30 მაისს, "სპარტაკის" დირექტორთა საბჭოს კრებაზე მომავალი სეზონის გეგმები განიხილეს. კლუბის ბიუჯეტი 100 მილიონი ევროდან 90 მილიონამდე შემცირდა, მწვრთნელად ოლეგ კონონოვი დატოვეს და მიზნად გუნდის ჩემპიონთა ლიგაზე გაყვანა და რუსეთის თასის აღება დაუსახეს. ზაფხულიდან "სპარტაკი" ევროპა ლიგის გათამაშებაში საკვალიფიკაციო ეტაპიდან ჩაერთვება და თუ ჯგუფურ ეტაპზე ვერ გავიდა, კონონოვს მოხსნიან.
"სპარტაკი" ჯერჯერობით არავის შეძენას არ აპირებს და რამდენიმე ფეხბურთელს და მათ შორის ანანიძეს გაუშვებს.
ჯანო "სპარტაკში" 2009 წლიდან თამაშობდა, 116 მატჩში 12 გოლი გაიტანა, ზამთარში "კრილიაში" იჯარით გადავიდა, მხოლოდ 7 შეხვედრაში მიიღო მონაწილეობა და 1 გოლით შეეწია. ის ამჟამად ტრავმირებულია და სამარელებს პრემიერლიგაში დარჩენისთვის "ნიჟნი ნოვგოროდთან" პლეი-ოფის მატჩებში ვერ დაეხმარება.
ანანიძეს "სპარტაკთან" კონტრაქტი 2021 წლის ზაფხულში უმთავრდება და უცნობია, როგორ მოხდება მისი გაწყვეტა - შეიძლება კომპენსაცია გადაუხადონ ან კიდევ სადმე გაუშვან იჯარით. მისი წლიური ხელფასი 2 მილიონი ევროა.
![alt](/pictures/image50/99d729f6bb8fe3f1c70087035cf8a687.jpg "sport-express.ru: "სპარტაკი" ჯანო ანანიძეს არ დაიბრუნებს")
ჯანო ანანიძე: როგორ თუ არ მინდა დაბრუნება? ეს დიადი კლუბია და...
![alt](/pictures/image50/41e86e6be2c60a7347e920ff7eb9c2a8.jpg "sport-express.ru: "სპარტაკი" ჯანო ანანიძეს არ დაიბრუნებს")
ჯანო ანანიძემ ისევ ტრავმა მიიღო და ამ სეზონში ვეღარ ითამაშებს
![alt](/pictures/image50/6af1dcf735c3fb6b018e8b4d23ef007d.jpg "sport-express.ru: "სპარტაკი" ჯანო ანანიძეს არ დაიბრუნებს")
championat.com: "სპარტაკი" ჯანო ანანიძეს გაყიდის![Sportall.Ge](/pictures/artimages/original/c41d6bcf28c3701ca96b30d78e300d2e.jpg "sport-express.ru: "სპარტაკი" ჯანო ანანიძეს არ დაიბრუნებს")
![ევროპა ლიგა. პლეი-ოფი: გვილიას "აიბროქსული" დრამა და ქართველთა სხვა ამბები [VIDEO]](/pictures/image7/d4185429e77170aacd0db6817b72a321.jpg "ევროპა ლიგა. პლეი-ოფი: გვილიას \"აიბროქსული\" დრამა და ქართველთა სხვა ამბები [VIDEO]")
![ევროპა ლიგა. პლეი-ოფი: "ფეიენოორდი", პრაქტიკულად, გავიდა, "გენტი" ქართველებს ძირითადს არ აკარებს [VIDEO]](/pictures/image7/f862d93938a0c59702b36c787b285662.jpg "ევროპა ლიგა. პლეი-ოფი: \"ფეიენოორდი\", პრაქტიკულად, გავიდა, \"გენტი\" ქართველებს ძირითადს არ აკარებს [VIDEO]")
