რას წარმოადგენს თბილისის "დინამოს" მეტოქე "ენგორდანი"

ფოტო: facebook.com/pg/engordany

თბილისის "დინამოს" მეტოქე ევროპა ლიგის პირველ საკვალიფიკაციო ეტაპზე ანდორული "ენგორდანი" იქნება.

გასულ სეზონში "ენგორდანიმ" ანდორას ჩემპიონატში მე-4 ადგილი დაიკავა და ევროპა ლიგის საკვალიფიკაციო ეტაპზე მონაწილეობის უფლება მიიღო. ევროპა ლიგის წინასწარ ეტაპზე ანდორელებმა სან მარინოს წარმომადგენელი "ლა ფიორიტა" 2 მატჩის ჯამში 3:1 დაამარცხეს.

სხვათა შორის, შარშან, როცა "ენგორდანი" პირველ გამოვიდა ევრო ტურნირებზე, სან მარინოულ "ფოლგორს" მოუგო წინასწარ ეტაპზე, თუმცა პირველ საკვალიფიკაციო ეტაპის მატჩებში ყაზახურ "კაირატთან" 1:10 განადგურდა.

მთავარი მწვრთნელი და ფეხბურთელები

გუნდის მწვრთნელი 35 წლის პორტუგალიელი ფილიპე ბუსტუ არის, რომელსაც განსაკუთრებული შედეგები არც ფეხბურთელობისას ჰქონია.

ფეხბურთელების სატრანსფერო ფასები:

მეკარეები
ხესუს კოკა(ესპ) 125 000 ევრო
ხერარდო რუბიო(ესპ) 75 000

მცველები
სებასტიან ვარელა(ურუ) 75 000
ბრაიან მანეირო 25 000
დავიდ ვილიანუევა(ესპ) 25 000
კრისტიან სელაი(არგ) 125 000
ტიაგო ფლორესი(არგ/ესპ) 25 000
ვალტერ ვაგნერი(არგ) 150 000
დეივისი(კაპე ვერდე/ესპ) 50 000
მიგელ რუისი(ესპ) 100 000
მარუფო(ესპ0 50 000

ნახევარმცველები
მიგელ ლაბორდა(ესპ) 100 000
მარიო სპანო(ურუ) 50 000
ჰამზა ბურამა(ტუნ/ესპ) 150 000
კრისტოფერ პოუსა 75 000
ნიკოლა ზუგიჩი(სრბ/პორტ) 75 000
მარკ ფერრე
კარლოს ედუ პეპე(ურუ/ანდ) 100 000
სებასტიან აგუერო(ფრა) 100 000

თავდამსხმელები
ლუიჯი სან ნიკოლასი 125 000
როდრიგო გუიდა(არგ/ანდ) 25 000
ომარ კამარა (ესპ) 25 000
ვიქტორ მორეირა 50 000
ფილიამონტე(ურუ) 50 000
სერხიო ლეალი(ურუ) 75 000
სებასტიან გომესი(ანდ/ურუ) 175 000
ჯოელ ტომასი (ფრა/კოტ დ.) 100 000
აარონ სანჩესი 50 000
ფაბიუ სერა

თბილსის "დინამოს" ფეხბურთელების სატრანსფერო ფასები:

მეკარეები
ხოსე პერალესი 250 000
სერგეი ლიტოვჩენკო 300 000
სტეფან სიკაჩი 200 000

მცველები
აბდელ მეჯუბი 300 000
ვიქტორ მონხილი 250 000
დავით კობოური 200 000
გიორგი ქიმაძე 400 000
ოლეკსანდრ კაპლიენკო 200 000
ნოდარ იაშვილი 250 000
გუჯა რუხაია 150 000

ნახევარმცველები
ნიკა ნინუა 400 000
ბაქარ ქარდავა 250 000
გიორგი პაპავა 250 000
აკაკი შულაია 375 000
ირაკლი აზაროვი 300 000
გიორგი ზარია 300 000
გიორგი კუხიანიძე 225 000
ბექა დარციმელია 50 000

თავდამსხმელები
არფგან დაფე 250 000
ლევან შენგელია 500 000
ნოდარ ქავთარაძე 450 000
ლევან კუტალია 300 000

თბილისის "დინამოს" ფეხბურთელთა ერთიანი სატრანსფერო ღირებულება 6.15 მილიონ ევროს უდრის. გუნდში 7 უცხოელი თამაშობს და ფეხბურთელთა საშუალო ასაკი 24,3 წელია.

"ენდონგარის" მთლიანი სატრანსფერო ფასი 2,15 მილიონი ევრო გახლავთ. გუნდში სულ 32 ფეხბურთელია, 24 მათგანი კი, უცხოელი გახლავთ. კლუბში ანდორას ნაკრების 4 ფეხბურთელი თამაშობს და მოთამაშეთა საშუალო ასაკი 30,3 წელი გახლავთ.

გუნდის ყველაზე ძვირადღირებული ფეხბურთელი 35 წლის სებასტიან გომესია, რომელმაც ანდორას დასრულებულ ჩემპიონატში 20 მატჩში ითამაშა და 5 გოლი გაიტანა და გუნდის საუკეთესო ბომბარდირი იყო 34 წლის პორტუგალიელ ფაბიუ სერასთან ერთად. გომესს ანდორას ნაკრებში 31 შეხვედრა აქვს ჩატარებული და სათადარიგოთა შორის იყო საქართველოს ნაკრების ანდორაში სტუმრობის დროს. საქართველოსა და ანდორას ნაკრებებს შორის ორივე შეხვედრის განაცხადში იყო მცველი მარკ ფერე, რომელიც ტრანსფერმარკეტის მიხედვით შეფასებულიც კი არ არის.

გუნდის ძირითადი მეკარე 30 წლის ხესუს კოკა არის, რომელიც ერთ დროს მადრიდის "რეალის" მესამე გუნდში იყო და "სამეფო კლუბი" 2009 წელს დატოვა.

მარჯვენა მცველი 37 წლის არგენტინელი კრისტიან სელაი გახლავთ, რომელიც 2011-13 წლებში "ბოკა ხუნიორსის" ფეხბურთელი იყო და მისი სატრანსფერო ფასი 2 მილიონი ევრო გახლდათ.

ასევე, კლუბში თამაშობს ფლანგის ფრანგი მოთამაშე სებასტიან აგუერო, რომელიც "დიჟონის" აღზრდილი არის, თუმცა ძირითად გუნდში არ უთამაშია.

სხვა ისეთი ფეხბურთელი, რომელზეც "განსკუთრებული" რამის აღნიშვნა იქნებოდა შესაძლებელი, გუნდში არ ირიცხება.

გუნდი 39 წლის წინ ჩამოყალიბდა და არსებობის განმავლობაში საუკეთესო შედეგი ანდორის უმაღლეს ჩემპიონატში დაკავებული მეორე ადგილი გახლავთ. ძირითადად, კლუბი პირველ და მეორე დივიზიონებში მოგზაურობდა ხოლმე.

"ენგორდანი" ანდორას 7 ოქლიდან ერთ-ერთის ესკალადეს-ენგორდანის კლუბია. აღნიშნული ოლქი ანდორაში ყველაზე გვიან, 1978 წელს დაარსდა. მისი მოსახლეობა 14 000 ადამიანზე ოდნავ მეტია. ევროპა ლიგის მატჩებს "ენგორდანი" დედაქალაქ ანდორა ლა ველაში ატარებს. არენას "ესტადი კომუნალ დ’ანდორა ლა ველა" ჰქვია და 1300 ადამიანზეა გათვლილი.

ნოდარ ქავთარაძე: "გაბალა" არაა ის გუნდი, რომელსაც "დინამო" ვერ მოუგებს