დუსელდორფში მიმდინარე გრანდ სლემზე ძიუდოში 100+ კგ წონით კატეგორიაში გურამ თუშიშვილმა ნახევარფინალში ბრაზილიელ რაფაელ სილვას სძლია და ფინალში გავიდა.
გურამმა პირველი წრე გამოტოვა, შემდეგ კი უზბეკი ალიშერ იუსუპოვი, ტაჯიკი შაკარმამად მირმამადოვი და კორეელი მინჯონ კიმი დაამარცხა. იგივე წონით კატეგორიაში ონისე ბუღაძე უზბეკ ბეკმუროდ ოლტიბოევთან დამარცხდა და შეჯიბრს გამოეთიშა.
-90 კგ წონით კატეგორიაში ბექა ღვინიაშვილი 1/4-ფინალში დამარცხდა. ბექას უზბეკმა დავლატ ბობონოვმა აჯობა, რომელმაც 1/8-ფინალში ლაშა ბექაურსაც მოუგო. ღვინიაშვილმა რეპეშაჟში ჩეხი დავიდ კლამერტი დაამარცხა და ბრინჯაოს მედლისათვის მამადალი მეჰდიევს შეხვდება.
რეპეშაჟში იჭიდავა -100 კგ წონით კატეგორიაში მოასპარეზე გიორგი ჩიქოვანმა. გიორგი 1/4-ფინალში ბრაზილიელ რაფაელ ბუზაკარინისთან დამარცხდა, რეპეშაჟში კი ზელიმ კოცოიევთან წააგო. ამავე წონით კატეგორიაში იჭდავა ნიაზ დიასამიძე, რომელიც მეორე წრეში აზერბაიჯანელ ელმარ გასიმოვთან დამარცხდა. გასიმოვმა კი ნახევარფინალში გასვლა მოახერხა.
![თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]](/pictures/image7/a4ccd6611999cadf43d1c4c95c584039.png "თუშიშვილი რინერთან დამარცხდა - გურამი რეპეშაჟიდანაც მოხსნეს [VIDEO]")
![გურამ თუშიშვილი მსოფლიო ჩემპიონატის ფინალში დამარცხდა [VIDEO]](/pictures/image7/740ec085e077a1d2296c7bfb0a5e1337.jpg "გურამ თუშიშვილი მსოფლიო ჩემპიონატის ფინალში დამარცხდა [VIDEO]")
