![](https://sportall.ge/pictures/image5/7246b9d0a225f470f64103016f296012.jpg)
პარიზის 2024 წლის ოლიმპიადაზე ტატო გრიგალაშვილმა (81 კგ) ვერცხლის მედალი მოიპოვა.
პირველ წრეში ჩვენებური მოლდოველ მიხაელ ლატიშევს დაუპირისპირდა. მოლდოველმა აკრძალული ილეთი დამატებით დროში შეასრულა, რის გამოც მსაჯებმა ვიდეოგამეორების შემდეგ ტურნირიდან მოხსნეს.
მერვედფინალში ქართველმა ძიუდოისტმა ავსტრიის სახელით მოასპარეზე ვახიდ ბორჩაშვილი ვაზარით დაამარცხა.
მეოთხედფინალში გრიგალაშვილი 28 წლის ტაჯიკ სომონ მახმადბეკოვს შეხვდა და დამატებით დროში ვაზარით სძლია.
ნახევარფინალში ტატომ, რომელსაც ორი გაფრთხილება ჰქონდა, სამხრეთკორეელი ჯიონვან ლი დამატებით დროში, შეხვედრის მეცხრე წუთზე ვაზარით დაამარცხა.
სამწუხაროდ, ფინალში გრიგალაშვილმა ოლიმპიურ ჩემპიონთან, იაპონელ ტაკანორი ნაგასესთან იპონით მარცხი
განიცადა.
საქართველოს დელეგაციამ პირველი მედალი მოიპოვა. ხვალ ტატამზე ოლიმპიური ჩემპიონი ლაშა ბექაური (90 კგ) გავა.
რაც შეეხება სკეპტიკოსებს, რა გჭირთ ხალხო? ნუთუ რომელიმე ჩვენგანს უფრო მეტად უნდოდა ჩემპიონობა, ვიდრე ტატოს დღეს? ყოფილი სპორტსმენები მიმიხვდებიან რასაც ვგულისხმობ. ამ ბიჭს კი ახლა გამხნევება და გვერდში დგომა სჭირდება, იმისათვის რომ მომავალშიც მრავალჯერ ააჟღეროს საქართვრლოს ჰიმნი!