გეგეშიძე სასამართლოს შემდეგ: მარტო მე მაქვს ბოდიში მოსახდელი? მაგინეს და ტუჩი გამიხეთქეს

AutoSharing Option
თუ დათუნაშვილს სპორტი უნდა, მივიდეს და იჭიდაოს, თუმცა, თუ სხვა ქვეყანაში უნდა წასვლა, მე ხელს ვერ შევუშლი, - ამის შესახებ ჭიდაობის ეროვნული ფედერაციის პრეზიდენტმა გეგა გეგეშიძემ ჟურნალისტებთან საუბრისას განაცხადა.

გეგა გეგეშიძის თქმით, ზურაბ დათუნაშვილს პროვოკაცია დიდი ხნის წინ ჰქონდა დაგეგმილი, რათა მიზეზი ჰქონოდა და სხვა ქვეყანაში წასულიყო საჭიდაოდ.

"ადამიანს თუ წასვლა უნდა, ვერავის დავაკავებ. ზურაბ დათუნაშვილს თუ წასვლა უნდა - წავიდეს. ჩვენ პირიქით ვეუბნებით, რომ მოვიდეს და ქვეყანას დასაკარგი სპორტსმენები არ ჰყავს. ბოდიშიც მოვიხადეთ და მეტი რა გავაკეთო? მარტო მე
მაქვს ბოდიში მოსახდელი? მაგინეს და ტუჩი გამიხეთქეს. თუმცა, რადგან მე პრეზიდენტი ვარ, ჩემგან ჩანს.

თუ დათუნაშვილს სპორტი უნდა, მივიდეს და იჭიდაოს, თუმცა, თუ სხვა ქვეყანაში უნდა წასვლა, მე ხელს ვერ შევუშლი. მას შარშან უკვე გადაწყვეტილი ჰქონდა წასვლა ყაზახეთში. ეს წასვლის საქმე ასე მარტივად არ ხდება და რამდენიმე ხნით ადრე ჰქონდა ჩატარებული სამუშაოები. დათუნაშვილის მხრიდან წინასწარ იყო დაგეგმილი პროვოკაცია. ის ორი წელია გუნდში ვეღარ ხვდებოდა", - განაცხადა გეგა გეგეშიძემ.

რაც შეეხება სასამართლო პროცესებს, გეგეშიძე თავს დამნაშავედ არ თვლის წარდგენილ ბრალში და იმედოვნებს, რომ სიმართლე გაირკვევა.

ჭიდაობის ფედერაციის პრეზიდენტი გეგა გეგეშიძე სპორტის სასახლეში, 11 იანვარს, მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით, სისხლის სამართლის კოდექსის 126-ე მუხლის 1-ლი ნაწილით დააკავეს, რაც ძალადობას გულისხმობს.

საქალაქო სასამართლომ გეგეშიძე 5 000-ლარიანი გირაოთი გაათავისუფლა და ჭიდაობის ფედერაციის პრეზიდენტის პოსტიც შეუნარჩუნა.

წყარო: Ipn.ge

მკითხველის კომენტარები / 19 /
Axla davrcmundi Rom sheni bodishi kalbi da cru iko, bodishi namdvil vajkacebs sheucliat, mat visac chagvra ar ukvart.
Roini
12:35 30-03-2019
0
საქართველოს ასაკობრივმა ნაკრებებმა 2018 წლის სეზონის განმავლობაში ევროპისა და მსოფლიოს ჩემპიონატებზე მოაგროვეს მედლების რეკორდული რაოდენობა - 48 მედალი.
2018 წელი - 48 მედალი, რეკორდი !
14:52 15-03-2019
2

ასევე დაგაინტერესებთ
სიახლეები პოპულარული