Sportall.ge-ს სათვალე კვლავ აქტიურად ადევნებს ეროვნულ ლიგას თვალს და ძალიან ბევრი საინტერესო რამ დაინახა. გასულ უქმეებზე ეროვნული ლიგის მე-4 ტურის მატჩები გაიმართა, სადაც საინტერესო დაპირისპირებები ვიხილეთ.
ტური იმითაც იყო გამორჩეული, რომ მიმდინარე ჩემპიონატში პირველი ე.წ. ქართული კლასიკოც ვიხილეთ, რომელიც წინა ჩემპიონატის ბოლო შეხვედრიდან გამომდინარე, კიდევ უფრო საინტერესოს ხდიდა ამ მატჩს.
მოკლედ ბევრი, რომ არ ვილაპარაკოთ, გთავაზობთ ტურის 10 მომენტს ჩვენს ჭრილში.
გთხოვთ, დაწეროთ თქვენი შეფასებები, თქვენი კრიტიკა და იდეები, რომლებიც დაგვეხმარება, ეს რუბრიკა გავაუმჯობესოთ.
1. ალვინ, ასეთები ჩვენებსაც ასწავლე, რა...
ჰოლანდიელი ბრაზილიურ ფეხბურთს თამაშობს. 15 წამში ორი ისეთი რამ გააკეთა, მეტოქის ფეხბურთელებმაც კი ლამის ტაში დაუკრეს.
2. ვლადიმირ გაზაევი: გოლი გვინდა
ეს ზუსტად შესაფერისი სიტუაციაა.
3. ჩხუბები სამ დუბლად
"სამტრედია"-"კოლხეთის" მატჩი საკმაოდ დაძაბულად მიმდინარეობდა და ბოლოს კრივიც ვიხილეთ.
4. კვირის საუკეთესო პასი
შეიძლება ბევრმა თქვენგანმა არ იცოდეს, რომ ეროვნულ ლიგაში თამაშობს ფეხბურთელი, რომელზეც სტამბულში ანტიტერორისტული სპეცოპერაცია ჩატარდა. გადაიდო თვითმფრინავის რეისი და თურქული სპეცრაზმი ცდილობდა მის გაუვნებელყოფას. ეს "ჩიხურას" ფეხბურთელი ირაკლი ბუღრიძეა.
5. ლურჯი ტრუსის ისტორია
ეროვნულ ლიგაში ყველაფერი ხდება, რაც შეიძლება მოხდეს. ლევან კაკუბავას, რომელსაც შორტის შიგნით ლურჯი ტრუსი აღმოაჩნდა, მოედნის დატოვება მოუწია.
მიზეზი ორია: 1) არ შეიძლება ფეხბურთელს სხვა ფერის ტრუსი ეცვას და 2) გასახდელი იმდენად შორია, რომ შეიძლება მთელი ტაიმი გამოეტოვებინა. შესაბამისად, ლევან კაკუბავა შეცვალეს.
6. შულაიას თუ მარადონას ხელი?
ყველაფერი გამართლებაზეა, ზოგს ხელით გააქვს გოლი, ზოგსაც კი შეტევაში საკუთარი ხელი უშლის ხელს.
7. გაუშვა მარილზე...
8. "დილას" ბოლო წუთები
გორელებს არცთუ სასიამოვნო ბოლო წუთები გამოუვიდათ. აქეთ მინდორზე კოტრიალობდნენ და იქით ბჭობდნენ, რა ექნათ.
9. კვირის საუკეთესო გოლის აღნიშვნა
საუკეთესო გოლის აღნიშვნის შერჩევა ძალიან მიჭირს, იმიტომ, რომ ფეხბურთელები მხოლოდ ერთმანეთს ეხუტებიან. არადა, ზოგჯერ გოლზე ლამაზი გოლის აღნიშვნაა.
10. ტურის საუკეთესო გოლი - ისიფუ ლემპტი
▶ ეროვნული ლიგის IV ტურის სიმბოლური ნაკრები Sportall.ge-ს ვერსიით (+გამოკითხვა)
