რუსეთის მეორე დივიზიონში (FNL) საკმაოდ ბევრ ქართულ გვარს შეხვდებით, რომელთა დიდი ნაწილი რუსეთის მოქალაქეა, თუმცა ქართველი გულშემატკივრები მათი თამაშით დაინტერესებულნი არიან. სია საკმაოდ გრძელია და ყველას ერთ წერილში თავმოყრა რთული იქნება.რანგით მეორე ლიგის მე-4 ტურში "ველეს მოსკოვმა" "ტომს" 1:0 სძლია და მესამე ადგილს იკავებს. მასპინძელთა შემადგენლობაში, 22 წლის მარჯვენა მცველმა ალექსანდრე კახიძემ სრულად ითამაშა, გამარჯვების გოლის ავტორი კი რუსეთის მოქალაქე, 21 წლის ვლადიმირ კაბახიძე გახდა.
"ველესის" რიგებში კიდევ ერთი ქართული გვარის, მაგრამ რუსული პასპორტის მქონეა - 23 წლის თემურ ჯიქია. ფორვარდი,
რაც შეეხება ქართველ კახიძეს - მან მოსკოვურ კლუბში გასულ წელს 33 შეხვედრა გამართა და 2 გოლიც გაიტანა. "ტომთან" შეხვედრაში ერთადერთი გოლის ავტორმა, ნახევარმცველ კაბახიძეს ახლადდაწყებულ სეზონში უვე ორი შედეგიანი დარტყმა აქვს, გასულ წლებში კი "ტამბოვში" გოლის გატანა ვერ მოახერხა.
31 წლის ირაკლი კვეკვესკირი, რომელიც გულშემატკივრებს მისი სომხური კარიერიდანაც უნდა ახსოვდეთ, მეოთხეადგილოსან "სკა ხაბაროვსკის" წევრია. ნახევარმცველი ხაბაროვსკელთა რიგებში 2018 წლიდან გამოდის და მის ანგარიშზე ექვსი გოლია.
წელსაც "ნეფტეხიმიკის"ერთ-ერთი ლიდერი 28 წლის ქართველი ფორვარდი მერაბ ურიდია უნდა იყოს, რომელმაც გასულ სეზონში 17 გოლი გაიტანა, მათგან ერთი განსაკუთრებული სილამაზის იყო. ქართველის კლუბი რუსეთის მეორე ლიგაში მეექვსე ადგილს იკავებს.
"ლიპეცკის" (მე-14 ადგილზეა) რიგებშია 33 წლის ვეტერანი, რუსეთის მოქალაქე რუსლან ახვლედიანი, რომელსაც 2017-18 წლების წარმატებული სეზონის შემდეგ კლუბში ნაკლები შანსი ეძლევა.
"ტექსტილშიკის", რომელსაც FNL-ის ახალ სეზონში ჯერ მხოლოდ ერთი გამარჯვება აქვს მოპოვებული, წევრია რუსეთის სახელით მოასპარეზე 21 წლის თავდამსხმელი გოჩა გოგრიჭიანი. საქართველოს ნაკრების ყოფილ ფორვარდ გოჩა გოგრიჭიანის ვაჟი "როსტოვის" ახალგაზრდული გუნდებიდან მოსკოვის ცსკა-ში გადავიდა, რომელმაც ჯერ "აკრონში", მიმდინარე სეზონის დაწყების წინ კი ახლანდელ კლუბში გაანათხოვრა.
დოლგოპრანდის "ოლიმპის" წევრია ქართველი მცველი ირაკლი ჭეჟია. 29 წლის ფეხბურთელი ქობულეთის "შუქურაშიც" ასპარეზობდა, მანამდე კი "არმავირისა" და "ხიმკის" მაისურით თამაშობდა. ჯერჯერობით მისი კლუბი ლიგის აუტსაიდერია.
4 ტურის შემდეგ ამდენივე ფრე აქვს ქართველი ლეგიონერების, ილია ბერიაშვილისა და ბექა ქავთარაძის "როტორს". გათამაშების ერთ-ერთი ფავორიტები გამარჯვების გარეშე არიან. ნიკოლაი ყიფიანის გარდა, გუნდში წარმატებით რუსეთის კიდევ ერთი მოქალაქე, 23 წლის ნახევარმცველი გიორგი მახათაძე ასპარეზობს. ის გასულ წელს "როსტოვში" გამოდიოდა. ნახევარმცველს რუსეთის 20-წლამდელთა ნაკრებში 6 მატჩი აქვს გამართული და 1 გოლის ავტორიცაა.
რაც შეეხება რუსეთის მოქალაქეს, 24 წლის ლეო გოგლიჩიძეს - მისი "ნიჟნი ნოვგოროდი" წელს ელიტაში აღზევდა და ამჟამად მეხუთე ადგილზეა, პრემიერლიგაში კი მცველს ჯერჯერობით თავის გამოჩენის შანსი მხოლოდ ერთ შეხვედრაში მიეცა.
მანამდე ლეოს "ჩაიკაში" მშვენიერი სეზონი ჰქონდა. უფრო ადრე მარცხენაფლანგელი "კრასნოდარში" თორნიკე ოქრიაშვილის თანაგუნდელი იყო. გოგლიჩიძეს რუსეთის ახალგაზრდულ ნაკრებში 4 მატჩი აქვს გამართული.
ურიდიას გოლს "კოსმიური" უწოდეს [VIDEO]
ბერიაშვილი, ქავთარაძე, მახათაძე, ყიფიანი - "როტორი" პირველი ლიგის ფავორიტია
ახლო ხედით: ვინ არის ოქრიაშვილის თანაგუნდელი ლეო გოგლიჩიძე?
