რუსული პრესის ინფორმაციით, მოსკოვის "ლოკომოტივის" საკუთრებაში მყოფ 23 წლის ნახევარმცველ კონსტანტინ მარადიშვილს, რომელიც ამჟამად იჯარით "ნიჟნი ნოვგოროდში" ირჯება, უქმობა დიდხანს მოუწევს. ადგილობრივი პრემიერლიგის გასულ ტურში მისი გუნდი საკუთარ მოედანზე "კრასნოდარს" უპირისპირდებოდა და 27-ე წუთზე მეტოქის საჯარიმოსთან ერთ-ერთი ორთაბრძოლის შემდეგ, მარადიშვილმა თამაშის გაგრძელება ვეღარ შეძლო. ის ჯერ საკაცით გაიყვანეს, შემდეგ კი სულაც სტადიონი ყავარჯნებით დატოვა.
სამედიცინო გამოკვლევებმა დაადგინა, რომ მას მუხლის ჯვარედინი მყესები აქვს დაშავებული და გერმანიაში ოპერაცია უნდა გაიკეთოს.
მარადიშვილი ოპერაციის შემდეგ 7 დღე გერმანიაში გაჩერდება, შემდეგ ნიჟნი ნოვგოროდში
შეგახსენებთ, რომ მარადიშვილს საქართველოს ნაკრებში თამაში უნდა. ამის შესახებ არაერთხელ ისაუბრა და თქვა, რომ ჩვენი ქვეყნის პასპორტიც აქვს.
