რამდენიმე წუთის წინ Uefa-მ ჩვენთვის მეტად გასახარი ინფორმაცია გააჟღერა. ევროპული ფეხბურთის მმართველმა ორგანომ ევრო 2024-ზე ბომბარდირთა დავაში "ოქროს ბუცის" გადაცემის კრიტერიუმები შეცვალა. დღემდე მოქმედი წესით, თუ ფეხბურთელები თანაბარი რაოდენობის გოლებს დააგროვებდნენ, მაშინ ასისტები და ტურნირზე ჩატარებული წუთები ჩაითვლებოდა, რითაც ესპანელი დანი ოლმო ლიდერობდა.
Uefa-ს ახალი წესის მიხედვით, ტურნირის ბომბარდირი და "ოქროს ბუცის" მფლობელი გახდება ის მოთამაშე, რომელიც ყველაზე მეტ გოლს გაიტანს.
რა მოხდება, თუ მაინც თანაბარი რაოდენობის გოლებს მივიღებთ? - ევროპული ფეხბურთის მმართველი ორგანოს გადაწყვეტილებით, ასეთ შემთხვევაში "ოქროს ბუცის" მფლობელად
ამრიგად, ამ პრესტიჟული ჯილდოს მოპოვების შანსი გიორგი მიქაუტაძეს კიდევ აქვს, რომელსაც დანი ოლმოსთან, კოდი გაკპოსთან, ჰარი კეინთან, ჯამალ მუსიალთან და სლოვაკ ივან შრანცთან ერთად 3 გოლი აქვს შეგდებული.
მოგეხსენებათ, ფინალში ერთმანეთს ინგლისი და ესპანეთი დაუპირისპირდებიან, რისი წყალობითაც კეინსა და ოლმოს ერთპიროვნულად გალიდერება და მარტოს "ოქროს ბუცის" მოპოვება შეუძლიათ.
ამას გარდა, ჯუდ ბელინგემისა და ესპანელი ფაბიან რუისის ანგარიშებზე 2 გოლია. შესაბამისად, შანსი მათაც აქვთ, მინიმუმ იმ 6 ადამიანს შეუერთდნენ, ან ერთპიროვნული ლიდერობა მიიღონ.
შეხსენებისთვის, ფინალური დაპირისპირება 14 ივლისს გაიმართება.
![alt](/pictures/image50/7a0f1416c95422264e1c4a2e9b92485d.jpeg "შესანიშნავი ამბავი - შესაძლოა, მიქაუტაძე ევრო 2024-ზე "ოქროს ბუცის" მფლობელი მაინც გახდეს")
L'Equipe: მიქაუტაძემ "მონაკოში" გადასვლა ამ ორი მიზეზის გამო გადაწყვიტა
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
