რატომ ადარებს რევაზ ჩელებაძე ანანიძეს პირლოს და რის გამო გარიცხეს ჯანო კიევის "დინამოს" აკადემიიდან

რუსულ პრესასთან ინტერვიუში რევაზ ჩელებაძემ საქართველოს ნაკრებისა და მოსკოვის "სპარტაკის" ნახევარმცველ ჯანო ანანიძის შესახებ ისაუბრა.

- ანანიძე ქობულეთში ჩემს შვილთან ერთად გაიზარდა. მამამისი ამირანი ჩემი ახლო მეგობარი იყო.

მან მითხრა, რომ ჯანოს თამაში მენახა, როდესაც ის ადგილობრივ საფეხბურთო სკოლაში თამაშობდა და მასზე დიდ იმედებს ამყარებდნენ.

ამის შემდეგ ის "დინამო თბილისის" საფეხბურთო სკოლაში წავიყვანეთ, სადაც მან 1 წელი დაჰყო.

ჯანო მალევე კიევის "დინამოს" სკაუტებმა შეამჩნიეს და ისიც ამ გუნდში გადავიდა.

ის ძალიან ძლიერი იყო და ჩვენ გვსურდა, ანანიძეს საქართველოს ახალგაზრდული ნაკრების შემადგენლობაში ეთამაშა, მაგრამ კროშჩენკო, რომელიც "დინამოს" აკადემიის დირექტორი იყო, გვითხრა, რომ თუ ეს მოხდებოდა, ჯანოს აკადემიიდან გარიცხავდა.

ამის მიუხედავად, მან ახალგაზრდულ ნაკრებში ითამაშა და საკმაოდ კარგი შთაბეჭდილებაც დატოვა. მატჩს "სპარტაკის" სკაუტები ესწრებოდნენ.

დამიკავშირდნენ და მოსკოვური კლუბის ტექნიკურ დირექტორ ევგენი სმოლენცევს ვესაუბრე, თუმცა ყველა თემა დეტალურად არ გაგვივლია.

ამის შემდეგ მოვიდა კროშჩენკოს წერილი, რომელიც იტყობინებოდა, რომ ანანიძე "დინამოს" აკადემიიდან გარიცხული იყო.

ამ ყველაფრის მერე ის უკვე "სპარტაკში" წავიყვანე, სადაც მან პირველსავე შეხვედრაში ორი გოლი გაიტანა და ამდენივე საგოლე გადაცემა გააკეთა. ამიტომ მოსკოვურმა კლუბმა მას კონტრაქტი გაუფორმა.

- რა უშლის ჯანოს ხელს, გამოავლინოს მთლიანად თავისი ნიჭი?
- რა თქმა უნდა, პირველ რიგში, ეს გამუდმებული ტრავმების ბრალია. ამას გარდა, ის ფიზიკურად სუსტია და სიძლიერე აკლია. მას შეუძლია გახდეს დიდი ფეხბურთელი, თუ ფიზიკურად მზად იქნება.

ფეხბურთი პატარა ომია და თუ ჯანოს წინ ფიზიკურად ძლიერი ფეხბურთელი დგას, ის იჩაგრება.

- შეუძლია მას გახდეს ვარსკვლავი?
- რა თქმა უნდა, შეუძლია.

- არის იმის შანსი, რომ ანანიძემ თავისი თავი იპოვოს?
- რა თქმა უნდა, არის, ამისთვის კი მან უფრო მეტი უნდა იშრომოს და ივარჯიშოს. მას ვარსკვლავობისთვის ყველაფერი აქვს.

მალე ის 26 წლის გახდება და ამ პერიოდისთვის ადამიანი კიდევ უფრო მწიფდება. მას ჯანმრთელობასა და წარმატებებს ვუსურვებ.

ის ძალიან ჭკვიანი და ტალანტით დაჯილდოებული ფეხბურთელია. შემიძლია ის ანდრეა პირლოს შევადარო.

- რატომ პირლოს?
- ანანიძეს პირლოს მსგავსი აჩქარება აქვს და ნამდვილი საფეხბურთო ხასიათი გააჩნია. ჯანოს ბრძოლისთვის საკმარისი ძალა არ აქვს.

მეტმა მუშაობამ და ვარჯიშმა კი შესაძლოა ეს შეცვალოს. რუსეთში ასეთი ფეხბურთელი არ ყოფილა.

ახრიკ ცვეიბას ისტორიები ჩელებაძეზე: რეზო ფიქრობდა, თბილისში ჩავალ, "ვოლგას" მაჩუქებენ და ხელისგულზე მატარებენო, მაგრამ...

რევაზ ჩელებაძე: "შუქურა" სამეულში მოხვდება, გარანტიას ვიძლევი მე!

ჯანო ანანიძე მწყობრში სექტემბერში ჩადგება და ყაზახეთთან მისი თამაში საეჭვოა