ლევან ყენიას "დუდელანჟი" დღეს ევროპა ლიგის ჯგუფური ეტაპის პირველ მატჩში "მილანს" შეხვდება.იტალიურ მედიაში ქართველის კომენტარი ვრცელდება, სადაც ის 2007 წელს გამართულ მატჩს იხსენებს, როცა მან "მილანის" მთავარი მწვრთნელის, ჯენარო გატუზოს წინააღმდეგ ითამაშა.
"არა მგონია, გატუზოს ვახსოვდე. მას შემდეგ დიდი დრო გავიდა, მაგრამ მაშინ ჯენოაში ნაკრების რიგებში მეორე მატჩი ჩავატარე" - განაცხადა ლევან ყენიამ.
ეს მატჩი 2007 წლის 13 ოქტომბერს, ჯენოაში გაიმართა. იტალიის ნაკრებმა საქართველო ანგარიშით 2:0 დაამარცხა, ლევან ყენია კი მოედანზე მეორე ტაიმში გამოჩნდა.
ევროპა ლიგა. პლეი-ოფი. საპასუხო მატჩები: ჭანტურიშვილის და ყენიას გუნდები ჯგუფურ ეტაპზე გავიდნენ
ლევან ყენიას "დუდელანჟის" მეტოქე გუნდში ჟულიო ბაპტისტა ჩაირიცხა
