აუტსაიდერები ცუდად არ გამოიყურებოდნენ და ყაზანელებს რამდენიმე სწრაფი შეტევა განუხორციელეს.
მე-19 წუთზე აგალაროვმა მასპინძლები თერთმეტმეტრიანით დააწინაურა. აღსანიშნავია, რომ "რუბინის" კარში შესაძლო პენალტი VAR-მა მანამდეც გადაამოწმა, მაგრამ არ დაუნიშნავს. "უფას" გატანა 23-ე წუთზეც შეეძლო, თუმცა ყაზანელთა მეკარემ ივარგა.
ხვიჩა კვარაცხელიამ ხანგძლივი კომბინაციის შემდეგ, 34-ე წუთზე გაიტანა. საქმეში ისევ VAR-ი ჩაერთო, რომელმაც თამაშგარე მდგომარეობა საეჭვო ვითარებაში დააფიქსირა. ქართველი შემტევი მთელი შეხვედრის განმავლობაში ბევრს ცდილობდა - თავდაპირველად, დაცვას აქტიურად ეხმარებოდა, შემდეგ კი შეტევაშიც გააქტიურდა.
"რუბინმა" კვარაცხელიას ძალისხმევით გაათანაბრა - ხვიჩამ მასზე უკეთეს პოზიციაში მყოფი პლიევი ჩამოიცილა და ჟურავლიოვს ავტოგოლი გაატანინა.
შეხევდრაში კიდევ ერთი საკამათო ეპიზოდი იყო, რომელიც ვიდეორეფერის გადაწყვეტილებით, ისევ "უფას" სასარგებლოდ გადაწყდა და მათ კარში პენალტი არ დაინიშნა.
"რუბინი", რომელიც პრემიერლიგაში მე-9 ადგილს იკავებს, 30 ოქტომბერს ცსკა-ს უმასპინძლებს.
![alt](/pictures/image50/f221619267be5f289aff9a7673e65b92.jpg "კვარაცხელიას გოლი არ ჩაითვალა, "რუბინი" მარცხდება")
კვარაცხელია სასტარტოშია - ხვიჩა მშრალი სერიის დასასრულებლად!
ძალიან მაგარი ნაკრები შეიკრიბება.
გეშინოდენ!!!
ცუდად არ უთამაშია, 100% იანი გოლი გაუუქმეს და მეორე ტაიმშიც ის გოლი მისი დამსახურება იყო. პლიუს ტექნიკური თამაში, რაც კომენტარმაც აღნიშნა. თუ სადმე შეცდომა დაუშვა ამას თავისი მწვრთნელი ეტყვის და თავადაც მიხვდება, არ ინერვიულოთ. დათვური სამსახური რა არის? ამ კომენტარებს წაიკითხავს და კარგად მითამაშია და აღარაფერი მაქვს გამოსასწორებელი მოდი აღარ ვივარჯიშებო იტყვის?:დ ყველაზე უკეთ თავად იცის როცა ეშლება, მაგიტომაც იყო უკმაყოფილო ბოლოს,რომ ვერ მოაგებინა გუნდს.
თმის შეჭრაზე კი გეთანხმებით, მაგ თემაზე კომენტარი რატომ უნდა კეთდებოდეს და სხვისი გარეგნობის გარჩევით რატომ უნდა იყოს ვინმე დაკავებული ვერ ვხვდები.
ვიღაც არაადეკვატური ადამიანი რომ დაწერს მესის და რონალდუს ჯობიაო ამას თავადაც არ ჩააგდებს არაფრად.
რუსმა კომენტარემა კარგად თქვა, არ ჭირდება ყოველ წუთს რობენთან, კაკასთან და მსგავს ვარსკვლავებთან შედარება, ის უკვე თავად ყალიბდება ვარსკვლავადო. სხვასთან შეადარება მას უბრალოდ აკნინებს და თავადაც იცის რომ არაადეკვატური ქება უბრალოდ სასაცილოა. თუმცა ნებისმიერ გულშემატკივარს აქვს უფლება კვარა ერჩივნოს რონალდუს.
იმის თქმა მინდა, რომ ყალბ ქება-დიდებას ეგ ბიჭი ძალიან კარგად ხვდება და ისიც იცის, რომ დღეს რომ ვიღაც აქებს, ხვალ შეიძლება იმან გაასწოროს მიწასთან.