რუსეთის ჩემპიონატის მე-12 ტურში "უფამ" ყაზანის "რუბინს" უმასპინძლა. შეხვედრა ფრედ, 1:1 დასრულდა.
მატჩის 34-ე წუთზე ხვიჩა კვარაცხელიამ გოლი გაიტანა, თუმცა შეხვედრის მთავარმა არბიტრმა VAR-ზე გადამოწმების შემდეგ ქართველისთვის შედეგიანი დარტყმა თამაშგარე მდგომარეობის გამო გააუქმა.
ამ ეპიზოდს დიდი გამოხმაურება მოჰყვა, რადგან გამეორებიდან ჩანდა, რომ "თათრების" ფეხბურთელი თამაშგარე მდგომარეობაში არ იმყოფებოდა.
რუსული sport-express-ი ამ თემაზე საუბრობს:
"რუბინის" დიდხნიანი შეტევის შემდეგ ანდერს დრეიერი თამაშგარე მდგომარეობაში აღმოჩნდა, შემდეგ კი ეპიზოდზე აშკარა ზეგავლენა მოახდინა. სწორედ მისი დარტყმის შედეგად გადაგზავნა ხვიჩამ ბურთი კარში. ერთადერთი გზა ამ გოლის
გაუქმებისა ესაა და სწორედ ასე შეიძლება აიხსნას არბიტრების გადაწყვეტილება".
თუმცა გავლენიანი საიტი იმასაც ამბობს, რომ ხაზები, რომლებიც VAR-ზე გადამოწმების დროს აჩვენეს, ამ გადაწყვეტილების უტყუარობას კითხვის ნიშნის ქვეშ აყენებს.
შეგახსენებთ, ყაზანური კლუბი 12 ტურის შემდეგ 16 ქულით მე-9 ადგილს იკავებს, მომდევნო შეხვედრას კი 30 ოქტომბერს, ცსკა-ს წინააღმდეგ გამართავს. მატჩი თბილისის დროით 15:00 საათზეა ჩანიშნული.
მომზადებულია sport-express-ის მიხედვით
კვარაცხელიას გოლი არ ჩაუთვალეს, მაგრამ "რუბინმა" შეხვედრა ხვიჩას ძალისხმევით გადაარჩინა [VIDEO]
![კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]](/pictures/image7/07fd9b9fed2eb5e0337002d74685d5c6.jpg "კვარაცხელია შეიძლება ოქტომბერშიც სერია A-ს საუკეთესო ფეხბურთელი გახდეს [PHOTO]")
ისე კითვასაც არ აჩენს, აშკარად ჩანს, რომ მცველი უფო ახლოს არის კართან.
ეტყობა მსაჯსაც და ვარსაც მიხატული თვალები აქვთ
ხვიჩას ძალიან სჭირდებოდა ეს გოლი.