საფრანგეთის ლიგა 2-ის 35-ე ტურში „მეცმა“ სახლში „გრენობლი“ 1:0 დაამარცხა.
ზედიზედ ოთხ მატჩში გატანილი გოლის შემდეგ, გიორგი მიქაუტაძემ მიმდინარე ჩემპიონატზე მერვე საგოლე გადაცემა გააკეთა და მეორე ტაიმში მოწინააღმდეგე კაცნაკლული დატოვა.
მასპინძლები თავიდანვე დაეუფლენ ინიციატივას, პირველ ტაიმში ბევრს და უშედეგოდ უტევდნენ, შესვენების შემდეგ კი დაწინაურებაც მოახერხეს - მიქაუტაძე მეურვეს გაექცა, ბურთი ჯელოუს გადააწოდა და მან მეტოქის კარი დალაშქრა. ქართველის შეჩერება მის მეურვეს პაკიესს ძალიან უჭირდა, რომელიც ეუხეშებოდა და ყვითელი ბარათი მიიღო. 72-ე წუთზე გიორგი მეკარესთან პირისპირ გადიოდა, ნესტორმა წააქცია და მსაჯმა პირდაპირი წითელი ბარათით გააძევა. მიქაუტაძე ბევრს მოძრაობდა, ორივე ფლანგიდან უტევდა, გატანა მეკარემ არ დაანება და 90+3-ე-ე წუთზე შეცვალეს. ის 22 გოლით ჩემპიონატის ბომბარდირია.
ლიგა 2-ის დასრულებამდე სამი ტურით ადრე „მეცი“ 65 ქულით მესამე პოზიციაზეა, მეორეადგილოსან „ბორდოს“ 1 ქულით ჩამორჩება და 20 მაისს გასვლაზე „გენგამს“ შეხვდება.
მეცი. „სენ-სიმფორიენი“
მეცი - გრენობლი 1:0
გოლი: ჯელოუ (47)
გაძევება: ნესტორი (72)
"კვარაცხელიას დაუნდობელი "ტყუპისცალის" ისტორია, რომელმაც ევროპა გადარია" - იტალიური მედია მიქაუტაძეს აქებს
!["რამდენად მიყვარს საქართველო?" - გიორგი მიქატაუძის პასუხი, რომელიც ყველამ უნდა ნახოთ [VIDEO]](/pictures/image7/36b981a7c4376b11433ac51c28c7a0f7.jpg "\"რამდენად მიყვარს საქართველო?\" - გიორგი მიქატაუძის პასუხი, რომელიც ყველამ უნდა ნახოთ [VIDEO]")
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
