ლიგა 2-ის 27-ე ტურში „ბორდომ“ გასვლაზე „როდეზთან“ ფრეს მიაღწია - 2:2.
სტუმრები დავითაშვილმა დააწინაურა და გოლი პარტნიორებთან ერთად ორიგინალურად თანაგუნდელი ალბერტ ელისის პატივისცემის ნიშნად აღნიშნა, რომელმაც "გენგამთან" მატჩში მძიმე ტრავმა მიიღო და ხელოვნური კომიდან გამოიყვანეს. ამ სეზონში ჩემპიონატზე ზურიკომ 27 შეხვედრაში 3 გოლი გაიტანა და ამდენიმე საგოლე გადაცემა გააკეთა. თუმცა, შემდეგ მასპინძლებმა ორი გოლი გაიტანეს და პირველი ტაიმი 2:1 მოიგეს.
შესვენების შემდეგ „ბორდო“ ბევრს უტევდა, „როდეზი“ კი კონტრიერიშებით პასუხობდა, ორჯერ იონსონის კარიც დალაშქრეს, მაგრამ გოლები თამაშგარეს გამო არ ჩაითვალა, კომპენსირებულ დროში კი იგნატენკომ ანგარიში გაათანაბრა.
ქართველი 76-ე წუთზე შეცვალეს, მისი თამაში sofascore-მა 7.2 ქულით შეაფასა, ხოლო flashscore-მა 7.0-ით.
ჟირონდული გუნდი 36 ქულით მე-13 ადგილზეა, ლიგა 1-ში გადასავლელი პლეი-ოფის ზონას 6 ქულა აშორებს და 9 მარტს „რუანს“ უმასპინძლებს.
როდეზი. „სტად პოლი“
როდეზი - ბორდო 2:2
გოლები: 0:1 დავითაშვილი (18), 1:1 კორედორი (26), 2:1 ლიპინსკი (45+2), 2:2 იგნატენკო (90+4)
დავითაშვილის "ბორდომ" მოიგო და პლეი-ოფის ზონას 5 ქულით მიუახლოვდა
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
![საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]](/pictures/image7/f5bc16efcae7a6bb99f709b1d8be1904.jpg "საფრანგეთში დავითაშვილის გოლი ოქტომბერში საუკეთესოდ აღიარეს [VIDEO]")
