18 აგვისტოს, სერია A-ს პირველ ტურში "ნაპოლი" სტუმრად "ვერონას" დაუპირისპირდება. ისევ ვერ მოახერხეს ვიქტორ ოსიმენის გაყიდვა, შესაბამისად რომელუ ლუკაკუს დამატება და გუნდი ისევ ცენტრალური თავდამსხმელის გარეშეა.
iIl Mattino-ს ცნობით, მწვრთნელმა ანტონიო კონტემ ცენტრფორვარდის პოზიციაზე ჯოვანი სიმეონეს დაყენებაზე იფიქრა, მაგრამ ისევ ჯაკომო რასპადორი ამჯობინა. "მოდენასთან" თასზე ჩატარებული მატჩისგან განსხვავებით კონტე ძირითად შემადგენლობაში მხოლოდ ერთ ცვლილებას განახორციელებს - პასკუალე მაზოკის მატიას ოლივეირა შეცვლის. შეიცვლება ტაქტიკაც, 3-4-2-1-ზე გადაეწყობა და ჯოვანი დი ლორენცო ნახევარდაცვაში ითამაშებს.
ნაპოლი (სასტარტო): მერეტი, რაჰმანი, ბონჯორნო, ოლივეირა, დი ლორენცო, სპინაცოლა, ანგისა,
ლობოტკა, პოლიტანო, კვარაცხელია, რასპადორი.
ცნობილი გახდა, რომ 27 წლის ბრაზილიელ შემტევს, დავიდ ნერესს ბონუსებიანად 28 მილიონ ევროდ შეიძენენ. ის იტალიაში კვირას ჩავა, ორშაბათ დილით კი სამედიცინო შემოწმებას გაივლის.
![alt](/pictures/image50/bbe841bd0253d340d0c885b61a9f522d.jpg "კონტეს გეგმა - ერთი ცვლილებით და განსხვავებული ტაქტიკით "ვერონასთან"")
"კვარაცხელიას ხარისხი უზარმაზარია და ჯერ ბოლომდე არ გვინახავს" - "ნაპოლის" ყოფილი მწვრთნელი
!["ჩუმად იყავი, სანამ "კვარაზე" უკეთეს ფეხბურთელს არ დავასახელებ" - ნახეთ, იტალიის ნაკრების ყოფილი შემტევის არჩევანი [VIDEO]](/pictures/image7/ebfeb778a6d7b00500172916fcef4207.png "\"ჩუმად იყავი, სანამ \"კვარაზე\" უკეთეს ფეხბურთელს არ დავასახელებ\" - ნახეთ, იტალიის ნაკრების ყოფილი შემტევის არჩევანი [VIDEO]")
