10 სექტემბერს საქართველოს ფუტსალის ნაკრები რუმინეთში გაემგზავრა. ავთანდილ ასათიანის გაწვრთნილები ევროპის ჩემპიონატის პლეი-ოფში პირველ მატჩს 12 სექტემბერს გამართავენ, 26 სექტემბერს კი რუმინელებს თბილისში უმასპინძლებენ.სამწუხაროდ, რუმინეთთან პირველ მატჩს გუნდის სამი წამყვანი მოთამაშე გამოტოვებს - ძირითადი მეკარე და კაპიტანი ზვიად კუპატაძე ტრავმირებულია, გუნდის ბომბარდირ არჩილ სეფისკვერაძესა და შოთა ჭანუყვაძეს კი თითომატჩიანი დისკვალიფიკაცია აქვთ.
კუპატაძის არყოფნაში, ნაკრებს რუმინეთში ორი მეკარე ეყოლება. ამაზე გუნდის მთავარი მწვრთნელი გველაპარაკა:
"სამეულის არყოფნა დიდი დანაკლისია. სამწუხაროდ, ფეხბურთში მსგავსი სიურპრიზები იშვიათობა არ არის. კუპატაძის შეცვლა ძალიან ძნელია, მაგრამ
მთავარია, რომ ამ შეხვედრის მნიშვნელობა ყველას გათავისებული აქვს, მაგრამ მეტისმეტი დაძაბვა არ ღირს და ისე უნდა ვითამაშოთ, რომ კარგად ვიცოდეთ - ამ მატჩით ჩვენ საქართველოს ფუტსალში ახალ ისტორიას დავწერთ".
(იბეჭდება მცირე ცვლილებით)
ყოველდღიური სპორტული გაზეთი "ლელო"
