დინო ჰამზიჩმა მოიგერია და... საჩხერის "ჩიხურა" საქართველოს თასის მფლობელია! [VIDEO]

2 დეკემბერს გორში თენგიზ ბურჯანაძის სახელობის სტადიონზე საქართველოს თასის ფინალური მატჩი გაიმართა.

საჩხერის "ჩიხურა" ქუთაიისის "ტორპედოს" შეხვდა და პენალტების სერიაში გაიმარჯვა.

შეხვედრის პირველ ტაიმში დაწინაურება ტორპედოელებს შეეძლოთ, თუმცა გიორგი კუხიანიძემ პენალტი ვერ გაიტანა - მისი დარტყმული ხარიხას მოხვდა. პირველი ნახევარი უგოლოდ დასრულდა.

გუნდებმა გოლის გატანა, ვერც მეორე ნახევარში შეძლეს და შეხვედრის ძირითადი დრო უგოლოდ დასრულდა. რის შემდეგ დამატებითი ტაიმები დაინიშნა, რომელმაც ასევე ვერ გამოვლინა გამარჯვებული.

საბოლოოდ შეხვედრაში პენალტების სერია დაინიშნა, რომელიც "ჩიხურამ" 4:3 მოიგო და საქართველოს თასს დაეუფლა. აღსანიშნავია, რომ გიორგი კუხიანიძეს დარტყმული დინო ჰამზიჩმა მოიგერია. კუხიანიძემ შეხვედრაში უკვე მეორე პენალტი ვერ გაიტანა. დინო ჰამზიჩმა კი საკუთარ გუნდს თასი მოუპოვა, რაც იმას ნიშნავს, რომ საჩხერლები ევროპის ლიგის შესარჩევ ეტაპზეც მიიღებენ მონაწილეობას.

პენალტების სერია
გიორგი განუგრავა +, ბაჩანა ცხადაძე -, დიმიტრი ტატანაშვილი +, თორნიკე გორგიაშვილი +, გიორგი გაბედავა +
ლევან კუტალია -, ვაჟა ტაბატაძე +, შოთა ბაბუნაშვილი +, როინ კვასხვაძე +, გიორგი კუხიანიძე -

ჩიხურა: 30. დინო ჰამზიჩი, 5. ბაქარ მირცხულავა, 6. პაპუნა ფონიავა (73 ირაკლი ლექვთაძე), 9. გიორგი გაბედავა, 10. მიშიკო სარდალიშვილი, 15. გიორგი კორიფაძე, 18. დიმიტრი ტატანაშვილი, 19. ლევან კაკუბავა, 24. ლაშა ჩიკვაიძე, 29. დენის დობროვოლსკი (კ), 39. თორნიკე გორგიაშვილი

ტორპედო: 89. როინ კვასხვაძე (კ), 2. ვაჟა ტაბატაძე, 5. დავით ხურცილავა, 10. გიორგი კუხიანიძე, 11. გუგა ფალავანდიშვილი, 17. გიორგი გურული, 18. ვლადიმირ კორობკა (82 მათე კვირკვია), 19. ლევან კუტალია, 22. გრიგოლ დოლიძე, 23. გიორგი ქიმაძე, 77. მერაბ გიგაური