10 აპრილს, ჩემპიონთა ლიგის პირველი 1/4-ფინალური მატჩი "აიაქსსა" და "იუვენტუსს" შორის 1:1 დასრულდა.
მასპინძლებმა თამაში აქტიურად დაიწყეს და რამდენიმე მომენტი ვერ გამოიყენეს. სტუმრები სახიფათო კონტრშეტევებით პასუხობდნენ. განსაკუთრებით მწვავედ ბერნარდესკი უტევდა. 45-ე წუთზე კი კანსელუმ ბურთი საჯარიმოში ჩააწოდა და თავურით ვარდნაში გოლი რონალდომ გაიტანა, რომელმაც ამ შეხვედრისთვის სათანადოდ მოსამზადებლად იტალიის ჩემპიონატის ბოლო მატჩები გამოტოვა.
განახლდა თუ არა შეხვედრა, ბრაზილიელმა ნერესმა ანგარიში გაათანაბრა. ამის შემდეგ "აიაქსი" შტურმზე გადავიდა, მაგრამ ამან შედეგი ვერ გამოიღო და თამაშიც გათანაბრდა. "იუვეს" ისევ შეეძლო წინ გასვლა, მაგრამ დუგლას კოშტამ ბურთი ძელს გაარტყა და შეხვედრა ფრედ დასრულდა.
რონალდომ ჩემპიონთა ლიგის 161 მატჩში 125 გოლი გაიტანა - ეს რეკორდია. მან თავურით 23-ჯერ დალაშქრა მეტოქეთა კარი და ესეც რეკორდია.
ამსტერდამი. "იოჰან კრუიფი". 50 033 მაყურებელი
აიაქსი - იუვენტუსი 1:1
გოლები: 0:1 რონალდო (45), 1:1 ნერესი (46)
აიაქსი: ონანა, დე ლიხტი, ტალიაფიკო, ველტმანი, ბლინდი, ვან დე ბეკი, ზიეში, ტადიჩი, შენე (ეკელენკამპი 76), ნერესი, დე იონგი
იუვენტუსი: შესნი, რუგანი, ალეკს სანდრო, კანსელუ, ბონუჩი, ბენტანკური, პიანიჩი, მატიუიდი (დიბალა 76), ბერნარდესკი (ჰედირა 90+2), რონალდო, მანჯუკიჩი (დუგლას კოშტა 60)
![alt](/pictures/image50/12894f5b6da7316b1206ce7bf61d78c5.jpg "ჩემპიონთა ლიგა. 1/4 ფინალი: 1:1 "იუვენტუსის" სასარგებლოდ, მაგრამ "აიაქსს" ეხერხება სასწაულის მოხდენა [VIDEO]")
მასიმილიანო ალეგრი: გაშვებული გოლის შემდეგ ცოტა დავიბენით, მეტოქე კი დაიმუხტა![alt](/pictures/image50/0ad322545b6cd64aea969c1e1711fb49.jpg "ჩემპიონთა ლიგა. 1/4 ფინალი: 1:1 "იუვენტუსის" სასარგებლოდ, მაგრამ "აიაქსს" ეხერხება სასწაულის მოხდენა [VIDEO]")
"აიაქსის" მწვრთნელი: "რეალთან" 1:2 წავაგეთ და შემდეგ ეტაპზე გავედით, ყველაფერი შესაძლებელია
!["ყველა სხეული ლამაზია..." - ჯორჯინა როდრიგესი ახალ რეკლამაში გადაიღეს [PHOTO]](/pictures/image7/6403ff57731efb8a083e08bd2ac9b61e.png "\"ყველა სხეული ლამაზია...\" - ჯორჯინა როდრიგესი ახალ რეკლამაში გადაიღეს [PHOTO]")
