მადრიდის "რეალის" მცველმა აშრაფ ჰაკიმიმ, რომელიც დორტმუნდის "ბორუსიაშია" განათხოვრებული, ჩემპიონთა ლიგის მიმდინარე სეზონში იმდენივე გოლი გაიტანა, რაც კრიშტიანო რონალდომ და ლიონელ მესიმ ჯამში.
ჰაკიმიმ ყველაზე პრესტიჟულ ევროპულ საკლუბო ტურნირზე 6 შეხვედრა ჩაატარა და 4 გოლი გაიტანა. ამდენივე შეხვედრაში კრიშტიანო რონალდომ თავი 2-ჯერ გამოიჩინა, ხოლო მესის 2 გოლის გასატანად 5 შეხვედრის ჩატარება დასჭირდა.
მიმდინარე სეზონში კი ჩემპიონთა ლიგის ბომბარდირებს სათავეში "ბაიერნის" ფორვარდი რობერტ ლევანდოვსკი უდგას 10 გატანილი გოლით. 8 გოლი შეაგდო "ზალცბურგის" ახალგაზრდა თავდამსხმელმა ერლინ ჰოლანმა, თუმცა ის უკვე დაემშვიდობა ლიგას.
1/8-ფინალში გასული კლუბების ფეხბურთელებიდან ლევანდოვსკის შემდეგ ყველაზე მეტი გოლი "ტოტენჰემის" 10-იან ჰარი კეინს აქვს - 6.
![alt](/pictures/image50/35c49288c52c61721a3708c39c07a003.jpg "ჩემპიონთა ლიგის ჯგუფურ ეტაპზე "დორტმუნდის" მცველმა იმდენი გოლი გაიტანა, რამდენიც მესიმ და რონალდომ ჯამში")
კრიშტიანო რონალდო: მიყვარს ჩემპიონთა ლიგა, ის ჩემი ტურნირია![alt](/pictures/image50/c5e7bf4c8b8e39c7260ba880cd68f072.jpg "ჩემპიონთა ლიგის ჯგუფურ ეტაპზე "დორტმუნდის" მცველმა იმდენი გოლი გაიტანა, რამდენიც მესიმ და რონალდომ ჯამში")
ჩემპიონთა ლიგა. VI ტური: კვირკველია "ლოკომოტივთან" ერთად მადრიდში იტანჯა - პლეი-ოფში მხოლოდ ტოპ 5-ის გუნდები [VIDEO]
