იგნასიო ფერნანდესი მადრიდის უბან "ვალდებებასში" თავისი მანქანით მისეირნობდა, როცა მცირე ინციდენტი მოუხდა - უკნიდან სხვა მანქანა დაეჯახა.
მანქანიდან კი, ვინ-ვინ და, მადრიდის "რეალის" მთავარი მწვრთნელი ზინედინ ზიდანი გადმოვიდა, რომელიც "ბლანკოსის" ვარჯიშზე მიიჩქაროდა.
"როგორც კი დავინახე, რა თქმა უნდა, მაშინვე ვიცანი და ვუთხარი: "თქვენთან შეხვედრას სხვა გარემოში ვისურვებდი, თუმცა ცუდი არც ეს არის", - ამბობს იგნასიო La Voz de Galicia-სთან საუბარში.
მომხდარი ამბის ზედმეტი გახმაურებისა და აჟიოტაჟისაგან თავის დასაღწევად, ავეჯის მაღაზიის მფლობელმა იგნასიომ ზიზუს დაზღვევის საბუთების მოგვიანებით მოგვარება შესთავაზა და მასთან
"სელფის" გადაღება სთხოვა, რათა ეს მომენტი სამუდამოდ აღებეჭდა.
"ვუთხარი, თუ შეიძლებოდა ჩემთან "სელფი" გადაეღო. წინააღმდეგ შემთხვევაში, არავინ დამიჯერებდა, რომ ზიდანი მანქანით სწორედ ჩემს ავტომობილს დაეჯახა.
ზინედინმა თავაზიანად მითხრა თანხმობა, ქუდი მოიხადა და ჩვენც ფოტო გადავიღეთ", - დაამატა იგნასიომ.
![Sportall.Ge](/pictures/artimages/original/8016fdb78a9edd5f33701d3a5f9ee198.jpg "ავარია, რომელზეც ყველა იოცნებებდა - ზიზუსა და გახარებული დაზარალებულის "სელფი" [PHOTO]")
ამის შემდეგ იგნასიოს ზიდანის წარმომადგენელი დაუკავშირდა, დაზარალებულს მადლობა გადაუხადა, რომ მან ზიზუ ზედმეტი თხოვნებით არ შეაწუხა და ვარჯიშზე არ დააგვიანებინა.
![alt](/pictures/image50/530911f3fe63535ed1c4733edf79292e.jpg "ავარია, რომელზეც ყველა იოცნებებდა - ზიზუსა და გახარებული დაზარალებულის "სელფი" [PHOTO]")
ზიდანმა "რეალში" მოგებებით მოურინიოს გადაასწრო - წინ ორი მწვრთნელია
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
