ლა ლიგის ფინიში მართლაც თრილერს დაემსგავსა, ბოლოსწინა, 37-ე ტურში ლიდერი "ატლეტიკო" სახლში 0:1 აგებდა "ოსასუნასთან", მაგრამ 82-ე წუთზე რენან ლოდიმ ანგარიში გაათანაბრა, ხოლო 88-ე წუთზე ლუის სუარესმა გამარჯვების გოლი გაიტანა.
თანაქალაქელების ფეხის დაცდენის შემთხვევაში "რეალი" გაპირველდებოდა, რომელმაც ნაჩოს გოლით სტუმრად 1:0 დაამარცხა "ბილბაო".
"ბარსელონამ" მოახერხა და "ნოუ კამპზე" ლეო მესის გოლით დაწინაურების შემდეგ 1:2 წააგო "სელტასთან" - დუბლი სანტი მინამ შეასრულა.
23 მაისს, "ატლეტიკო" უკანასკნელ ტურში გასვლაზე "ვალიადოლიდს" დაუპირისპირდება და გამარჯვების შემთხვევაში, პრიმერას მოიგებს.
იმავე დღეს "რეალი" "ვილიარეალს" უმასპინძლებს, ხოლო
"ბარსელონა", რომელიც ჩემპიონობისათვის ბრძოლას გამოეთიშა, სტუმრად "ეიბარს" შეხვდება.
![alt](/pictures/image50/ab1aa5551426f74dabeee8d8b9638c77.jpg "სუარესის გოლი 88-ე წუთზე და "ატლეტიკო" თითქმის ჩემპიონია")
"ატლეტიკოს" ოქრომდე ორი ნაბიჯიღა დარჩა [VIDEO]
