46 წლის ინგლისელი სპეციალისტი ფრენკ ლამპარდი ინგლისის ჩემპიონშიპის ბინადარი "ქოვენთრის" მწვრთნელად დაინიშნა და კონტრაქტი 2027 წლის ზაფხულამდე გააფორმა. მან ამ პოსტზე მარკ რობინსი შეცვალა, რომელიც გუნდს 7 წლის განმავლობაში ხელმძღვანელობდა.
ლამპარდის ბოლო სამუშაო ადგილი "ჩელსი" გახლდათ, სადაც დროებითი მწვრთნელის მოვალეობას ასრულებდა. რაც შეეხება "ქოვენთრის", კლუბი 17 ტურის შემდეგ ინგლისის ჩემპიონშიპში 17 ქულით მე-17 ადგილს იკავებს.
