დღეს ცნობილი გახდა, რომ "ბრეშიამ" მარიო ბალოტელის კონტრაქტი შეუწყვიტა. მიზეზი კი ვარჯიშების გაცდენა დასახელდა. მომხდარს ეხმაურება გუნდის მთავარი მწვრთნელი დიეგო ლოპესი.
"ცხოვრებაში მნიშვნელოვანია ფაქტები და არა სიტყვები. ჩვენ ის ვართ, რასაც ვაკეთებთ და არა რასაც ვამბობთ.
გუნდი ერთი გზით წავიდა, მარიომ სხვა აირჩია. კარანტინის პერიოდში ის ერთხელაც არ გამოჩენილა Zoom-ის ვიდეო ჩატში. იმ შემთხვევაშიც თუ ის ამბობს, რომ მზად არის, მისი ამჟამინდელი ფიზიკური ფორმა თავის გუნდელებთან შედარებით არადამაკმაყოფილებელია.
მას შემდეგ, რაც ნება დაგვრთეს ვარჯიშები გაგვეგრძელებინა სამწვრთნელო ბაზაზე, ის ყოველთვის მარტო
თავისთვის ვარჯიშობდა. ეს მისი არჩევანია." - განაცხადა ლოპესმა Corriere della Sera-სთან ინტერვიუში.
ბალოტელიმ ვარჯიშები გააცდინა, "ბრეშიამ" კი კონტრაქტი შეუწყვიტა
