ცნობილი და სანდო ჟურნალისტის, ფაბრიციო რომანოს ინფორმაციით, უახლოეს დღეებში "ნაპოლი" გუნდის ფორვარდ ვიქტორ ოსიმენს კონტრაქტს გაუხანგრძლივებს და ეს გადაწყვეტილი ამბავია. ჩვენი იტალიელი კოლეგისვე ცნობით, ახალი შრომითი ხელშეკრულება 2026 წლამდე გაგრძელდება, ნიგერიელის ხელფასი მნიშვნელოვნად გაიზრდება და ის კლუბის ისტორიაში ერთ-ერთი ყველაზე მაღალანაზღაურებადი ფეხბურთელი გახდება.
შეგახსენებთ, დიდი ხანია მიმდინარეობს საუბარი იმის შესახებ, რომ "პარტენოპეისთან" ახალ კონტრაქტს ხვიჩა კვარაცხელიაც გააფორმებს და მისი ხელფასიც გაიზრდება, თუმცა ეს ამბავი ჯერჯერობით არ დადასტურებულა.
