ცნობილი ინგლისელი მცველი რიო ფერდინანდი, რომელიც ახლა საფეხბურთო ექსპერტად მუშაობს, მუნდიალის ჯგუფური ეტაპის ბოლო მატჩში პოლონეთის კარში დანიშნულ პენალტს გამოეხმაურა. როგორც იცით, არბიტრმა დენი მაკელიემ ვოიცეხ შესნის გამოსვლაზე თამაში მესის წინააღმდეგ გამეორების შემდეგ დარღვევად მიიჩნია და პენალტის ნიშნულისკენ მიუთითა.
"სირცხვილია! VAR მსგავსი რამისთვის არ შემოუღიათ. შესნი მესის მცირედით შეეხო და მას უბრალოდ წამწამები აუფრიალა.
მსაჯი გამეორებაზე ამის საყურებლად წავიდა? - ვფიქრობ, ეს აღმაშფოთებელია", - თქვა ფერდინანდმა.
შეგახსენებთ, რომ არგენტინამ პოლონეთს 2:0 სძლია, მერვედფინალში ორივე გუნდი გავიდა.
![alt](/pictures/image50/a4c59db5015d47b8a568516fdb3f301b.jpg ""სირცხვილია!" - ფერდინანდი პოლონეთის ნაკრების კარში დანიშნულ პენალტს გამოეხმაურა")
ემოციური კადრები მექსიკისა და საუდის არაბეთის მატჩიდან
