საფრანგეთის ნაკრების მწვრთნელი დიდიე დეშამი გახდა მეოთხე მწვრთნელი, რომელმაც შეძლო და გუნდი ზედიზედ ორჯერ მუნდიალის ფინალში გაიყვანა. ვიტორიო პოცომ 1934 და 1938 წლებში ეს იტალიის ნაკრებთან ერთად გააკეთა, კარლოს ბილარდომ 1986 და 1990 წლებში - არგენტინასთან, ფრანც ბეკენბაუერმა კი ეს ამავე წლებში გერმანიასთან ერთად შეძლო.
შეგახსენებთ, რომ დეშამის ხელმძღვანელობით, 2018 წელს საფრანგეთმა რუსეთში ოქროს მედლები მოიპოვა, 18 დეკემბერს კი იმავეს გაკეთებას არგენტინასთან შეეცდება.
