ალბანური "სკენდერბეუ" ახლო მომავალში ევროთასებზე ვერ იასპარეზებს. ამის შესახებ ინფორმაციას ადგილობრივი გამოცემა Panorama Sport-ი ავრცელებს.უეფას სადისციპლინო კომიტეტი, გამოძიების შედეგებიდან გამომდინარე, ალბანელებს 1 მილიონი ევროთი დააჯარიმებს და ევროთასების 10-წლიან დისკვალიფიკაციას მისცემს. აღნიშნული დასკვნა უეფამ იმ დოკუმენტების საფუძველზე გამოიტანა, რაც ადგილობრივ ჟურნალისტებს ჩაუვარდათ ხელში.
უეფამ "სკენდერბეუს" მიმართ გამოძიება ბოლო 7 წელიწადში გარიგებული მატჩების ეჭვით დაიწყო.
2017 წლის ზაფხულში "სკენდერბეუს" 2015/16 წლების სეზონის ჩემპიონის ტიტული "მატჩების შედეგებზე გავლენის" გამო ჩამოართვეს.
