სომხურ ფეხბურთს ბოლო წლებში მნიშვნელოვანი პროგრესი აქვს და ეს როგორც საკლუბო, ასევე სანაკრებო კუთხით ითქმის. იქაური ჩემპიონატის გასული სეზონის გამარჯვებული "ურარტუ" ჩემპიონთა ლიგაზე ჩაერთო და პირველი საკვალიფიკაციო ეტაპი საკუთარ მოედანზე ბოსნიური "ზრინსკის" მასპინძლობით გახსნა. "ურარტუმ" მაინც თანაბარ თამაშში ბოლო წუთზე საკუთარ კარში გოლი მიიღო და დრამატულად დამარცხდა - 0:1. შანსები მათ ჯერ კიდევ აქვთ. ყველაფერი განმეორებით მატჩში გაირკვევა, რომელიც ერთ კვირაში შედგება.
"ურარტუს" ქალი პრეზიდენტი, გოჰარ ვარდანიანი ჰყავს, რომელიც 33 წლ
გუნდის მთავარი მწვრთნელი რუსი დმიტრი გუნკოა, რომელიც მანამდე "არარატ-არმენიას" თავკაცობდა. 47 წლის სპეციალისტს ჯანო ანანიძეც კარგად იცნობს, რადგან ისინი მოსკოვის "სპარტაკში" ერთ პერიოდში იყვნენ. გუნდში რამდენიმე რუსი ლეგიონერია, შეტევის ხაზში კი ფრანგი იაია სანოგო თამაშობს. 30 წლის ფორვარდი ლონდონის "არსენალსა" და სხვა მეტ-ნაკლებად ცნობილ კლუბებში გვახსოვს.
აღსანიშნავია, რომ დიდი შანსია, ამ წყვილში გამარჯვებული ვლადიმირ ვაისის "სლოვანს" დაუპირისპირდეს, სადაც გურამ კაშია და ჯაბა კანკავა გამოდიან. სლოვაკებმა ურთიერთობა ლუქსემბურგის საუკეთესო გუნდთან უნდა გაარკვიონ, სადაც აშკარა ფავორიტებად მიიჩნევიან. ასე რომ, თუკი გასულ წელს ბრატისლავურმა კლუბმა ბათუმური დრამა გაიარა, ახლა პლეი-ოფამდე უფრო ხელსაყრელი გზა აქვთ.
"პიუნიკი" ჩემპიონთა ლიგის მესამე საკვალიფიკაციო რაუნდში გავიდა - დღეს "სლოვანი" თამაშობს
სომხური ფეხბურთის ისტორია დაწერილია - მატჩის საუკეთესო მხითარიანის ფინალის შანსი...
სომხური ინვესტიცია ქართულ ფეხბურთში? - დაველოდოთ გაოფიციალურებას...
სომხური და ლიეტუვური 0:5 - აზაროვის მომავალი კონკურენტი გააძევეს
