საქართველოს 19-წლამდელთა ნაკრები ლატვიურ შეკრებაზე ორჯერად ვარჯიშებზეა გადასული. 10 ივლისს ნაკრების მთავარი მწვრთნელი გია ცეცაძე მოთამაშეებს მხოლოდ საღამოს ავარჯიშებს, 11 ივლისს კი გუნდს რიგის "სკონტოს" დუბლშემადგენლობასთან ტესტ-მატჩი დაუგეგმეს.
ფეხბურთის ფედერაციის პრესსამსახურის ცნობით, ამის შემდეგ ჩვენი დელეგაცია რიგაში ევროპალიგის მატჩს დაესწრება, რათა "სკონტოს" მცველი ლაშა დვალი გაამხნევოს. ის გუნდს 12 ივლისს შეუერთდება, ისევე, როგორც ნიკა სანდოხაძე და ნიკა ჭანტურია - ნაკრების მცველებს ქუთაისის "ტორპედოც" ევროპის ლიგის მატჩების შემდეგ გაუშვებს.
უკვე გუნდშია რუბინის "ყაზანის" ქართველი ფორვარდი ნიკა კაჭარავა.
აქვე ვიტყვით, რომ "საზოგადოებრივ
რაც შეეხება ევროპის ჩემპიონატის ფინალური ეტაპის მატჩების ტელერეპორტაჟებს: სავარაუდოდ, მას "საზოგადოებრივ მაუწყებელზე" ვერ ვიხილავთ.
პირდაპირი რეპორტაჟების უფლება "ევროსპორტს" აქვს, რომელმაც 145 ათასი ევრო მოითხოვა, თითქმის იმდენივე, რასაც უეფას ჩემპიონთა ლიგის მთელ სეზონში უხდიან და "საზმაუსთვის" ასეთი შეუსაბამო ფასები მიუღებელი აღმოჩნდა.
თუმცა ჯერ მაინც ნუ ვიჩქარებთ - ვინ იცის, რა შეიცვლება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
U19-ის ევროპული დღიური: ნაკრებს ნიკა კაჭარავა შეუერთდა
ბაჩანა არაბული: სტადიონზე სულსა და გულს დავდებთ [VIDEO]
19-წლამდელთა ნაკრები ლატვიაში - მზადება ევროპის ჩემპიონატისთვის [ფოტოგალერეა]
გაბრწყინებული საქართველო: ჰქმენ, რაც შენი ფერია
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
