საქართველოს ჩემპიონატი. I ლიგა: სკანდალურად გამორჩეული

დღეს, 17 ნოემბერს, პირველ ლიგაში ბოლოსწინა ტურია, თუმცა რანგით მეორე გათამაშებაში ბევრი რამ გარკვეულია, ყოველ შემთხვევაში, ორივე ჯგუფში უკვე ცნობილია იმ 4 გუნდის ვინაობა, მომავალ სეზონში კვალავაც პირველ ლიგაში (ლიგა პრო 2-ში) რომ იასპარეზებენ.

შეგახსენებთ, რომ 2017 წელს პრო B-ს გათამაშებაში 10 გუნდი მიიღებს მონაწილეობას: პირველი ლიგის 6 საუკეთესო გუნდი და უმაღლესი ლიგიდან გამოვარდნილი 4 გუნდი. უმაღლეს ლიგას რომელი გუნდები დატოვებენ, ეს ჯერ უცნობია. სამაგიეროდ, უკვე ცნობილია ის ოთხი გუნდი, პირველ ლიგაში ადგილი რომ შეინარჩუნა: "ვიტ ჯორჯია", "გაგრა", "სამგურალი" და "რუსთავი". კიდევ ორი გუნდი პლეი ოფებით გაირკვევა, სადაც მონაწილეობას მიიღებენ ორივე ჯგუფში III-VI ადგილზე გასული გუნდები.

"წითელ ჯგუფში" მოულოდნელი არაფერი მომხდარა და ორივე გამოკვეთილმა ფავორიტმა, "ვიტ ჯორჯიამ" და "გაგრამ" ვადაზე ადრე (თანაც, დამსახურებულად!) გაინაღდეს პირველ ლიგაში დარჩენა. აი, კიდევ ერთი საგზურისათვის კი სერიოზული კონკურენციაა: ამ ჯგუფის გამოკვეთილი აუტსაიდერის, "გარდაბანის" გარდა, ყველა დანარჩენ ექვს გუნდს აქვს შანსი, პლეი ოფში გააღწიოს! ანუ ამ ჯგუფში ყველაფერი ბოლო ტურში გაირკვევა.

"თეთრ ჯგუფშიც", ფაქტობრივად, გარკვეულია ორი გამარჯვებულის ვინაობა: "სამგურალმა" და "რუსთავმა" ასევე გაინაღდეს პირველ ლიგაში დარჩენა. თეორიულად, ამის შანსს "მეშახტე" ინარჩუნებდა, მაგრამ ტყიბულელთა გუნდმა ის ერთადერთი დარჩენილი მატჩი რომც მოიგოს, საკმარისი არ იქნება.

საქმე ისაა, რომ "იმერეთის" დისკვალიფიკაციის გამო "რუსთავი" დღეს უბრძოლველად მიიღებს სამ ქულას და 29 ქულით ინაღდებს პირველ ლიგაში დარჩენას! მიზეზი კი ის არის, რომ თანაბარი ქულების შემთხვევაში "რუსთავს" უპირატესობა აქვს "მეშახტესთან". თავის მხრივ, "სამგურალიც" სჯობნის ურთიერთშეხვედრებში ტყიბულელთა გუნდს და დარჩენილი ორივე მატჩი რომც წააგოს, ყველა შემთხვევაში გარანტირებული აქვს პირველ ლიგაში დარჩენა.

იმის გამო, რომ ამ ჯგუფში ჯერ "ჩხერიმელა" მოიხსნა გათამაშებიდან, შემდეგ კი - "იმერეთი", ბოლო ორმა ტურმა, ფაქტობრივად, ინტრიგა დაკარგა: უკვე ცნობილია იმ ოთხი გუნდის ვინაობა, პლეი ოფში რომ იასპარეზებს. ამათგან კი, რაღა თქმა უნდა, "მერანი" უნდა მივიჩნიოთ ერთ-ერთ გამოკვეთილ ფავორიტად...

ორი ტურიც და საქართველოს ჩემპიონატების ისტორიაში, ალბათ, პირველი ლიგის, ალბათ, ყველაზე სკანდალური გათამაშებაც დასრულდება; "უცნაური" და "საეჭვო" მატჩები პირველ ლიგაში ადრეც უამრავზე მეტი იყო; "ლელოც" არაერთხელ წერდა იმის თაობაზე, რომ ჩვენს პირველ ლიგაში მართლაც "სასწაულები" ხდებოდა, მაგრამ დაუსჯელობის სინდრომი მოქმედებდა და ლამის ყველა გუნდიც გასვრილი იყო იმ სიბინძურეში.

აი, ამ სეზონში კი სიტუაცია რადიკალურად შეიცვალა: ორივე ჯგუფის 18 გუნდიდან თერთმეტმა გუნდმა სხვადასხვა სახის სანქცია მიიღო! ეგ კი არა, ისე, როგორც წინა სეზონის მიწურულს, ზოგიერთი გუნდი, საერთოდაც, გათამაშებიდან მოიხსნა!

იმედს ვიტოვებთ, რომ "ჩაწყობილ თამაშებთან" ბრძოლა კვლავაც გაგრძელდება და იმის იმედიც გვაქვს, რომ მომავალში ... სხვა ლიგებსაც "მიხედავენ"! აი, თუნდაც, მეორე ლიგაში, სადაც, ხშირად კი არა, უკვე ლამის ყოველ ტურშია მართლაც "უცნაურშედეგიანი" მატჩები...

საქართველოს ჩემპიონატი. I ლიგა. XVI ტური

წითელი ჯგუფი
13.11. მცხეთა. "მცხეთა პარკი"
ვიტ ჯორჯია-გარდაბანი 2:0
გოლები: 1:0 შ. დავლაშელიძე (21-პენ), 2:0 შ. დავლაშელიძე (74)
ვიტ ჯორჯია: ჯ. შეროზია, მ. რობაქიძე, გ. კალანდია, რ. ჩიტიშვილი, გიგა გურეშიძე, შ. ექვთიმიშვილი (80. ი. კამლაძე), შ. დავლაშელიძე, გურამ გურეშიძე, ც. მოსიაშვილი (59. გ. ვაზაგაშვილი), გ. დანელია (63. კ. კახაბრიშვილი), ზ. ღირდალაძე.
სათადარიგოები: ე. ლებანიძე, ო. მუხულიშვილი, ვ. კურდღელაშვილი, ლ. ისერგიშვილი
მწვრთნელი: თენგიზ კობიაშვილი
გარდაბანი: დ. გაბიჩვაძე, თ. ცეცხლაძე, გ. კაშია, გ. კვარაცხელია, კ. მელაშვილი, ნ. გაბელია, გ. ჯაყელი, ი. კალაჯიშვილი (46. ი. ბერიძე), ლ. მარგველაშვილი (68. ნ. დვალიშვილი), ა. მუსელიანი, ნ. ბახტაძე.
სათადარიგო: თ. ოშაყმაშვილი
მწვრთნელი: გუბაზ დოლიძე
გაფრთხილება: შ. ექვთიმიშვილი, შ. დავლაშელიძე
არბიტრი: თ. ნაკაიძე

13.11. ბორჯომი. "ჯემალ ზეინკლიშვილი"
ბორჯომი-გაგრა 1:2
გოლები: 0:1 თ. გაფრინდაშვილი (9), 1:1 ნ. კიკნაველიძე (23), 1:2 ლ. პაპავა (74)
ბორჯომი: ბ. შეყრილაძე, ი. ფირცხლავა (66. ე. კილაძე), გ. ხუმარაშვილი, ს. კობესაშვილი, ნ. კიკნაველიძე, უ. ბურძენაძე, ვ. ჯოჯუა, ა. შენგელია, ს. ჯოოფი, მ. ტორონჯაძე (81. მ. ღიასიფარდი), დ. ციცხვაია.
სათადარიგოები: ი. შაყულაშვილი, ლ. როსტობაია, ს. რავაზი, გ. კიკნაძე
მწვრთნელი: კობა თედიაშვილი
გაგრა: ი. მაღრაძე, თ. გაფრინდაშვილი (90. ნ. მაგრაქველიძე), ლ. ქურდაძე, ლ. კალანდაძე, ნ. ჯიშკარიანი, გ. კახიანი, თ. კიკაბიძე (59. გ. ქურდაძე), ო. ლუცენკო, ი. ღიბრაძე, ბ. კაკუშაძე (87. გ. ვეკუა), ლ. პაპავა.
სათადარიგოები: ნ. ცოცხალაშვილი, ბ. ჯომიდავა, ვ. ხოსიტაშვილი, ო. წიკლაური
მწვრთნელი: ანატოლი პისკოვეცი
გაფრთხილება: ი. ფირცხალავა - ი. მაღრაძე, ლ. ქურდაძე
არბიტრი: ა. ნონიკაშვილი

13.11. ვანი. "გრიგოლ ნიკოლეიშვილი"
სულორი-ოდიში 1919 3:2
გოლები: 1:0 ბ. ნიკოლაძე (5), 2:0 ვ. ჭრელაშვილი (14), 3:0 გ. ჩხეტიანი (19). 3:1 ა. ფარჯიკია (61), 3:2 ც. სამუშია (85)
სულორი: დ. ხურციძე, ბ. ნიკოლაძე, დ. სამსეიშვილი, ი. კილაძე, გ. ხელაძე, ი. ჭანკვეტაძე, დ. ივანიაძე, ვ. ჭრელაშვილი, ნ. კვასხვაძე (90. ი. შენგელია), ა. როხვაძე (74. გ. ფირანაშვილი). გ. ჩხეტიანი (89. გ. ბრეგვაძე).
სათადარიგოები: გ. შეწირული, ო. ტორაძე, თ. მაღლაკელიძე, შ. ღვინიანიძე
მწვრთნელი: გიგა ნიკოლეიშვილი
ოდიში 1919: ვ. მელნიჩენკო, ნ. ბიწკინაშვილი, ლ. აკობია, გ. თიბილაშვილი (46. ლ. გაბრიჭიძე), გ. ხუბუა, რ. გაგუნი, რ. დემიანოსი, ნ. ქირია (46. გ. ლობჟანიძე), გ. ცაგარეიშვილი (62. შ. თოლორაია), ც. სამუშია, ა. ფარჯიკია.
სათადარიგოები: ლ. ახალაია, მ. ჩანგელია, თ. გვასალია, ლ. გორდულავა
მწვრთნელი: სერგეი ჟიცკიი
გაფრთხილება: ა. როხვაძე, გ. ფირანაშვილი - ა. ფარჯიკია
არბიტრი: ლ. სილაგავა

13.11. წალენჯიხა. "საშა კვარაცხელია"
სქური-საპოვნელა 0:2
გოლები: 0:1 ხ. დიდია (67), 0:2 ხ. დიდია (90)
სქური: დ. კეკელიძე, ნ. შელია (65. ლ. კვარაცხელია), გ. პაჭკორია, ზ. საღინაძე, ლ. მორგოშია, გ. სალია, დ. ქირია, შ. ლომია, გ. თევდორაძე, ლ. გუგუჩია (73. ლ. გაბუნია), გ. ღვიტიძე (52. ლ. კუკავა).
სათადარიგოები: ბ. კვარაცხელია, თ. ფიფია, ზ. ხაპავა, ი. სტურუა
მწვრთნელი: გიორგი გოგიაშვილი
საპოვნელა: ა. გიორგაძე, დ. საჯაია, გ. მემარნიშვილი, ლ. ბაკურაძე, თ. ჩიკვილაძე, თ. ფურთუხია, კ. ალუ, გ. მაკარიძე (77. ა. მესხი), გ. ბიბილეიშვილი, ლ. ახალაია (34. მ. ქველიძე, 65. რ. მაჭავარიანი), ხ. დიდია.
სათადარიგოები: დ. ჩაჩხუნაშვილი, რ. ჩიტაძე, პ. ტროფიმოვი, ზ. ზუზაძე
მწვრთნელი: პაატა მეტრეველი
გაფრთხილება: გ. პაჭკორია - კ. ალუ. გ. მაკარიძე
არბიტრი: გ. კიკაჩეიშვილი

სატურნირო ცხრილი
ა გ თ მ ფ წ ბ ქ
1. ვიტ ჯორჯია 14 10 3 1 30-10 33
2. გაგრა 15 9 3 3 28-20 27
3. ბორჯომი 14 7 1 6 20-15 19
4. სქური 14 5 3 6 25-19 18
5. სულორი 15 6 3 6 18-20 18
6. საპოვნელა 14 4 4 6 12-17 16
7. ჭიათურა 14 6 1 7 13-20 16
8. ოდიში 14 6 1 7 24-26 13
9. გარდაბანი 14 1 1 12 13-36 1

შენიშვნა: "ოდიშს" დაკლებული აქვს 6 ქულა; "გაგრას", "ბორჯომს", "სულორს" და "ჭიათურას" დაკლებული აქვთ 3-3 ქულა.

მომდევნო ტური
17 ნოემბერი
ოდიში 1919-ვიტ ჯორჯია
გაგრა-ჭიათურა
გარდაბანი-სქური
საპოვნელა-ბორჯომი

თეთრი ჯგუფი
13.11. ტყიბული. "ვლადიმერ ბოჭორიშვილი"
მეშახტე-სამგურალი 0:1
გოლი: 0:1 მ. ღონღაძე (50)
მეშახტე: ა. ნონოსი, ნ. ჯობინაშვილი, გ. ყურულაშვილი, ბ. ქართველიშვილი, ლ. მჭედლიშვილი, ც. ხარაბაძე (65. პ. ასამოა), თ. ჯიმშელეიშვილი, ი. ბაჯელიძე (60. გ. გვენეტაძე), მ. ნვანკვო, ზ. ტიელიძე (82. მ. აფხაზავა), ნ. ხინთიბიძე.
სათადარიგოები: გ. ბრეგაძე, ბ. მოსაშვილი, მ. ჩუბინიძე, ბ. მიქავა
მწვრთნელი: კახა გოგიჩაიშვილი
სამგურალი: ტ. ხაინდრავა, თ. კაკუშაძე, ბ. ბიბილაშვილი, უ. ბანძელაძე, ი. ხვადაგიანი, ნ. შალამბერიძე, თ. ბანძელაძე (90. მ. გაგოშიძე), გ. გოგიჩაიშვილი, ლ. ყიფიანი, დ. ჩიხლაძე, მ. ღონღაძე (90. ლ. ჩიხლაძე).
გაფრთხილება: ლ. მჭედლიშვილი, გ. გვენეტაძე, ი. ბაჯელიძე - ი. ხვადაგიანი, ლ. ყიფიანი, ტ. ხაინდრავა, ნ. შალამბერიძე
არბიტრი: ბ. ნინუა

13.11. რუსთავი. "ფოლადი"
რუსთავი-მარკ სტარსი 4:2
გოლები: 1:0 ლ. ციცვიძე (23), 2:0 ბ. ჩიმაკაძე (26), 2:1 ჯ. სულაქველიძე (52-პენ), 3:1 ბ. ჩიმაკაძე (59), 4:1 მ. გიგაური (66), 4:2 ა. აბუჩი (87)
რუსთავი: მ. ალავიძე, გ. მინდორაშვილი, ა. ბრაჭული, ვ. კილასონია, გ. ლემონჯავა, ი. ქათამაძე (71. ა. ივანიშვილი), გ. კილასონია (53. გ. ჩიკვაიძე), მ. გიგაური, ლ. ციცვიძე (67. ზ. ციცქიშვილი), დ. სიჭინავა, ბ. ჩიმაკაძე.
მწვრთნელი: ვარლამ კილასონია
მარკ სტარსი: ს. კარტოზია (46. მ. ლომსაძე), დ. მაკარაძე (73. ა. კობახიძე), ჯ. სულაქველიძე, ნ. ნოზაძე, გ. კოკოზაშვილი, მ. ტელა (46. აბუჩი), ნ. კობაური, კ. წიკალანოვი, დ. სახეიშვილი, ა. ქორჩილავა, მ. რამიშვილი.
მწვრთნელი: დავით ქოქიაშვილი
გაფრთხილება: ჯ. სულაქველიძე
არბიტრი: გ. ვადაჭკორია

13.11. მარტვილი. "მურთაზ ხურცილავა"
მერანი-იმერეთი 1:0
გოლი: 1:0 ზ. ქანთარია (80)
მერანი: დ. კუპატაძე, კ. მელიავა, გ. ციმაკურიძე, ს. ორბელაძე, გ. გეგია, ბ. ტეიდი, ა. წყაროზია (76. ა. გიორგაძე), ვ. ლომაშვილი, ა. შულაია, ს. ჯიქია (76. ზ. ქანთარია), ნ. საბანაძე (87. თ. ჩუბითიძე).
სათადარიგოები: ლ. წოწონავა. გ. ჯიჯელავა, ზ. მამალაძე
მწვრთნელი: გიორგი მიქაძე
იმერეთი: ს. მეძველია, ი. ტაკიძე, დ. მოსიძე, ნ. ხარაბაძე, კ. მარონგი, ა. კოშკაძე, ნ. ჭკუასელი (84. ზ. ქათამაძე), გ. ჭეიშვილი (81. ნ. ტიტვინიძე), გ. ქუცურუა, მ. როსტიაშვილი, მ. კაკალაძე (76. ი. საღარეიშვილი).
სათადარიგოები: ი. ხუჭუა, ს. კოსტიუკი, გ. კობეშავიძე, გ. ძაძამია
მწვრთნელი: დავით ბურკაძე
გაფრთხილება: ი. ტაკიძე, გ. ჭეიშვილი
არბიტრი: ჯ. ხორავა

13.11. გორი. "ქართლი"
ლიახვი-კოლხეთი (ხ) 2:2
გოლები: 0:1 ი. ქობალია (9), 1:1 ს. ლომია (20), 1:2 ი. ქობალია (72), 2:2 ე. გაბარაევი (73)
ლიახვი: შ. გოგიაშვილი, ე. გაბარაევი, მ. ჯიქია, გ. მჭედლიშვილი (46. ა. გოგიაშვილი), ო. ცარიელაშვილი, გ. კურმაშვილი, ნ. ოქროპირიძე, ლ. უღრელიძე, თ. შათირიშვილი, ა. სირბილაძე, ს. ლომია.
სათადარიგოები: ი. ბუზალაძე, დ. შუბითიძე, ი. თოთლაძე, ი. მღებრიშვილი, ბ. აფციაური
მწვრთნელი: გიორგი ქავთარაძე
კოლხეთი: ზ. გელაშვილი, ო. ფიფია, ზ. ჭანტურიძე (60. გ. არქანია), ლ. ვართაგავა, გ. გოგენია, დ. რუხაია, ლ. მეფიშვილი, ბ. ბაკურაძე, ც. ბუკია, მ. ლომაია (77. ი. გერგაია), ი. ქობალია.
სათადარიგოები: ს. გულუა, ვ. ფირცხელავა, ლ. გოგენია, ბ. ლოლუა, ლ. ჭურღულია
მწვრთნელი: როინ ონიანი
გაფრთხილება: ო. ცარიელაშვილი, ნ. ოქროპირიძე - ლ. ვართაგავა
არბიტრი: დ. სანოძე

სატურნირო ცხრილი
ა გ თ მ ფ წ ბ ქ
1. სამგურალი 14 9 2 3 26-20 29
2. რუსთავი 14 10 2 2 29-15 26
3. მეშახტე 15 8 2 5 22-11 26
4. მერანი 14 8 4 2 26-9 22
5. კოლხეთი 14 5 5 4 18-14 20
6. ლიახვი 14 2 4 8 14-33 4
7. მარკ სტარსი 15 0 3 12 12-34 0
8. იმერეთი 14 4 3 7 20-23 0
9. ჩხერიმელა 14 1 3 10 13-39 0

შენიშვნა: "ლიახვს", "რუსთავს" და "მერანს" დაკლებული აქვთ 6-6 ქულა, "მარკ სტარსს" - 3; ხონის "იმერეთი" და "ჩხერიმელა" მოიხსნენ გათამაშებიდან და დარჩენილ მატჩებში ჩაეთვლებათ წაგება - 0:3.

მომდევნო ტური
17 ნოემბერი
იმერეთი-რუსთავი 0:3 (ტ.შ)
მარკ სტარსი-ჩხერიმელა 3:0 (ტ.შ)
სამგურალი-ლიახვი
კოლხეთი (ხ)-მერანი

(იბეჭდება მცირე ცვლილებით)
ყოველდღიური სპორტული გაზეთი "ლელო"