დღეს, 12 ნოემბერს, საქართველოს ფეხბურთელთა ეროვნული ნაკრები მსოფლიოს 2018 წლის ჩემპიონატის შესარჩევ D ჯგუფში მეოთხე შეხვედრას მოლდოვის ნაკრების წინააღმდეგ ჩაატარებს. მატჩი თბილისში, "დინამო არენაზე" 21:00 სთ-ზე დაიწყება და მის ტელეტრანსლაციას "პირველი არხი" წარმოადგენს.- ჩვენ და მოლდოველები: 7 სექტემბერი, გვახსოვდეს და... დავივიწყოთ!
თამაშის წინა დღეს საქართველოს ნაკრების მთავარ მწვრთნელ ვლადიმირ ვაისს 23-კაციან შემადგენლობაში იძულებით ცვლილების განხორციელება მოუხდა - ნაკრებს ვარჯიშზე მიღებული ტრავმის გამო ლევან მჭედლიძე გამოაკლდა. მის მაგივრად მწვრთნელმა ეროვნულ გუნდში პირველად 19-წლამდელთა ნაკრებისა და დონეცკის "შახტარის" ფეხბურთელი, 18 წლის
თამაშის წინა დღეს გუნდებმა ვარჯიში ჩაატარეს, მთავარმა მწვრთნელებმა კი პრესკონფერეციაზე ჟურნალისტთა შეკითხვებს უპასუხეს.
- ვლადიმირ ვაისი: მოლდოვასთან თუ ვერ მოვიგეთ...
- საბა კვირკველია: მწვრთნელი ჩვენგან ხვალ შემტევ და ლამაზ ფეხბურთს ითხოვს!
- მოლდოველთა პრესკონფერენცია: საქართველოში მოსაგებად ჩამოვედით!
აღსანიშნავია, რომ დღეს, "დინამო არენაზე" თამაშის დაწყებამდე, 20:40 სთ-ზე, ეროვნული ნაკრებიდან ალექსანდრე ამისულაშვილის გაცილების ცერემონია გაიმართება.
დღესვე მუნდიალის შესარჩევ D ჯგუფში, სადაც საქართველოს ნაკრები გამოდის, ორი მატჩი ჩატარდება - 21:00 სთ-ზე ავსტრიის ნაკრები ირლანდიას მიიღებს, ხოლო უელსისა და სერბეთის ნაკრებების შეხვედარა 23:45 სთ-ზე დაიწყება.
საქართველო
მეკარეები: ნუკრი რევიშვილი (დინამო, თბილისი), გიორგი ლორია (კრილია სოვეტოვი, რუსეთი), როინ კვასხვაძე (ტორპედო, ქუთაისი).
მცველები: უჩა ლობჟანიძე (დინამო, თბილისი), ოთარ კაკაბაძე (ხიმნასტიკი, ესპანეთი), საბას კვირკველია (რუბინი, რუსეთი), გურამ კაშია (ვიტესი, ჰოლანდია), დავით ხოჭოლავა (ჩერნომორეცი, უკრაინა), გიორგი ნავალოვსკი (ვერია, საბერძნეთი).
ნახევარმცველები: ჯაბა კანკავა (რეიმსი, საფრანგეთი), ვაკო გვილია (ბატე, ბელორუსი), ბუბა დაუშვილი (დიოშგიორი, უნგრეთი), თორნიკე ოქრიაშვილი (კრასნოდარი, რუსეთი), ჯაბა ჯიღაური (დინამო, თბილისი), გიორგი ჭანტურია (ურალი, რუსეთი), ოთარ კიტეიშვილი (დინამო, თბილისი), ალექსანდრე კობახიძე (ვორსკლა, უკრაინა), ვაკო ყაზაიშვილი (ლეგია, პოლონეთი), ჯაბა ლიპარტია (ზორია, უკრაინა), გიორგი არაბიძე (შახტარი, უკრაინა).
თავდამსხმელები: დავით სხირტლაძე (სილკებორგი, დანია), ვლადიმერ დვალიშვილი (დინამო, თბილისი), გიორგი ქვილითაია (რაპიდი, ავსტრია).
მოლდოვა
მეკარეები: ილია ჩებანუ (მორდოვია, რუსეთი), სტანისლავ ნამაშკო (ლევადიაკოსი, საბერძნეთი), ალექსეი კოშელევი (შერიფი), ნიკოლა კალანჩეა (კრაიოვა, რუმინეთი);
მცველები: ალექსანდრუ ეპურეანუ (ბაშაქშეჰირი, თურქეთი), კატალინ კარპი (ვიტორული, რუმინეთი), ადრიან კასკავალი (ლუჩ ენერგია, რუსეთი), ვიქტორ გოლოვატენკო (ზარია ბელცი), ვიტალი ბორდეანი (შერიფი), ვიაჩესლავ პოსმაკი (დაჩია), პეტრუ რაცუ, ვადიმ ბოლოჰანი (ორივე - მილსამი), იონ ჟარდანი (ზიმბრუ);
ნახევარმცველები: ალექსანდრ გაცკანი (როსტოვი, რუსეთი), ეუგენ ზასევიჩი (ტრაკაი, ლიტვა), გეორგე ანდრონიკი, ალექსანდრუ ანტონიუკი (ორივე - მილსამი), ვლადისლავ ივანოვი (ტირასპოლი), მაქსიმ მიხაილოვი (ზარია ბელცი), მაქსიმ ანტონიუკი (აკადემია);
თავდამსხმელები: ეუგენიუ სიდორენკო (მილსამი), იგორ ბუგაიოვი (ზარია ბელცი), რადუ გინსარი (შერიფი), დან სპატარუ (ზიმბრუ).
